大熊貓媽媽盈盈出晒名愛錫仔女,日前官網流出牠左擁右抱一對孖寶,三母子共渡天倫樂的溫馨畫面!
在 Instagram 查看這則帖子

大熊貓IG影片截圖
只見片段中的盈盈媽媽用雙腿攬實一對孖寶,家姐同細路就似乎爭緊抱,盈盈於是一手抱起家姐擁入懷中,另一隻手就不停按撫爭輸咗的細佬!點知家姐發動又嗲又鍚的功勢,成功奪得媽媽的全力關注,母女倆在鏡頭前又攬又鍚不停放閃,非常陶醉,似乎已忘記了細佬的存在。細佬唯有在旁發出「唔唔」聲抗議,綴奶奶補返數。

大熊貓IG影片截圖

大熊貓IG影片截圖
網友們都被充滿母愛的畫面所感動,笑說「咁溫馨既三口子,唔洗落糖都甜到漏呢!」、「非常溫馨, 盈盈媽媽,家姐細佬好融洽」、「起初以為得細佬原來家姐都係度,好溫馨」而網民都留意到,每次睇片家姐都很喜歡錫媽咪,而細佬就掛住飲奶「家姐同盈盈好痴纏啊,見親都要錫錫」、「細佬真係好鍾意食奶,家姐好鍾意媽咪錫錫」,

大熊貓IG影片截圖
亦有很多網民大讚盈盈是一位勝任的好媽媽,並大嘆同時照顧兩個BB真是不簡單「感覺盈盈係想一手抱一個B,奈何孖B都有返咁上下份量,真係辛苦媽咪了。家姐細佬要惜住媽咪呀」、「盈媽果然係醒,家姐鍾意錫錫抱高啲,細佬鍾意飲奶奶唔使抱咁高,慳返啲力水,叻」「盈盈抱家姐細佬好熟練好sweet 姐弟母情深唷」等。

大熊貓IG影片截圖