Skip to Content Facebook Feature Image

《香港靈宵藝傳》促進保留香港粵劇特色與優點 創會董事謝曉瑩:守正之餘就是創新

娛圈事

《香港靈宵藝傳》促進保留香港粵劇特色與優點 創會董事謝曉瑩:守正之餘就是創新
娛圈事

娛圈事

《香港靈宵藝傳》促進保留香港粵劇特色與優點 創會董事謝曉瑩:守正之餘就是創新

2025年01月21日 11:00 最後更新:13:36

首屆青年粵劇傳播視頻比賽「吾乃XOL」頒獎禮,嘉許一眾年輕參加者。

香港靈宵藝傳有限公司 (註冊慈善編號:91/19092) 涵蓋了多個專業領域,成立宗旨是為了促進和保留香港粵劇的特色與優點,並按照傳統訂立規範,日前香港靈宵藝傳更舉行了藝傳啟動禮,除了對一眾會董與顧問進行委任外,也舉行他們較早前和香港電台聯合主辦的青少年粵劇傳承計劃:首屆青年粵劇傳播視頻比賽「吾乃XOL」頒獎禮,嘉許一眾年輕參加者。

更多相片

民政及青年事務局 副局長 梁宏正先生 BBS JP,藝術顧問團成員阮兆輝

民政及青年事務局 副局長 梁宏正先生 BBS JP,藝術顧問團成員阮兆輝

藝術顧問團成員阮兆輝表示:「講到粵劇我哋需要好多人參與,梗係一代傳一代,我希望小朋友又好,中朋友又好,可以首先去嘗試粵劇,就當玩都可以玩一陣先,如果你玩到有興趣就繼續練,繼續加入,就算你唔做戲,去做研究粵劇都得㗎,而且學粵劇可以鍛鍊身體,唱嘅時候就練呼吸,仲有一樣嘢就係粵劇講《忠、孝、哲、義》,所以小朋友學完粵劇都應該係乖啲嘅。」

創會主席高潤鴻說:「我哋靈宵藝傳都有一啲好新嘅粵劇推廣,好似我哋舉行咗一個叫做《吾乃XOL》嘅網上短視頻比賽,對象係一班高小或者初中嘅青少年,希望佢哋可以透過比賽接觸粵劇,喺保留傳統精粹嘅前提下,加入佢哋年青人嘅思維,TRAIL & ERROR,將戲曲重新包裝,喺網上平台推廣俾多啲唔同嘅人去認識香港粵劇,將戲曲推向社區,走向世界。」

民政及青年事務局 副局長 梁宏正先生 BBS JP,藝術顧問團成員阮兆輝

民政及青年事務局 副局長 梁宏正先生 BBS JP,藝術顧問團成員阮兆輝

創會董事謝曉瑩說:「我係土生土長嘅香港人,我係粵劇演員,對於粵劇係別有情懷,我哋辦香港靈宵藝傳呢個慈善團體嘅初衷,就係希望可以為香港粵劇訂立一個新嘅標準,等大家可以知道香港粵劇係靈活多變,之後就會一直梯隊式咁傳授落去,我哋係守正之餘就係創新,會用新嘅方法就好似今次嘅《吾乃XOL》視頻比賽,參賽嘅學生喺學剪輯視頻之前就上咗五課,呢五課除咗有一課係視頻課,其餘全部都係藝術課,有《唱、唸、做、打》,劇本研定,音樂同伴奏等等,我哋喺學習期間訂立咗一啲科班式或者戲班式嘅規矩比佢哋,要佢哋上堂前講早晨,落堂嗰陣同我哋講辛苦晒,呢啲都係訓練佢哋嘅禮儀,原來小朋友喺督促底下係可以做到好好,上課都會更加認真,所以小朋友學粵劇好處真係有好多。」

董事會成員兼傳承第一梯隊導師李龍則表示:「其實小朋友學粵劇基本上好多嘢都唔識,像最初階段嘅《唱、做、唸、打》都要去練,好似佢哋《唱》之餘可以睇埋譜,知多啲音樂同旋律就會更好,係《做》嗰方面,就會有導師幫佢哋排練,我哋亦會將演出同舞台嘅經驗慢慢灌輸俾佢哋。佢哋唱粵曲同學粵劇可以認識更多廣東話同中國文字,雖然喺唱詞入邊唔係句句引經據典,但有一啲會係成語,諺語或者歇後語,亦都可以知道更多歷史人物,對大家嘅中文根底會有更好嘅幫助。」

高潤鴻最後補充:「香港靈宵藝傳以《藝傳》命名,顧名思義 - 以《藝》術《傳》承為重中之重。作為香港非物質文化遺產的一個重要項目,港式粵劇可持續發展是一項極具意義且充滿挑戰的使命。靈宵藝傳很有信心在大灣區共融的情況下,保留、突顯香港粵劇的獨特個性,在各地文化共融中發光發亮。」

Tags:

大灣區

往下看更多文章

羅家英大玩創意 與謝曉瑩為中華文化節合唱新歌《金陵幽蘭》

2024年08月28日 19:00 最後更新:19:38

家英哥:「好支持新想法!」

羅家英與粵劇才女謝曉瑩日前接受新城知訊台《原來生活好快樂》錄音節目主持程凱欣和麥卓華訪問,宣傳兩人合唱的中華文化節新編粵劇《馬湘蘭》主題曲《金陵幽蘭》,訪問已於8月26日播出。

羅家英與謝曉瑩為中華文化節合唱新歌《金陵幽蘭》。

羅家英與謝曉瑩為中華文化節合唱新歌《金陵幽蘭》。

謝曉瑩透露家英哥是她和丈夫高潤鴻的「媒人」,雙方相識多年,故邀請家英哥合唱時,對方即爽快答應,「搵家英哥合唱,因為佢係電影明星,又係我哋粵劇前輩,而呢首歌一半係流行曲,一半係粵曲。」家英哥則表示一直好支持新想法及新人。

家英哥則表示一直好支持新想法同新人。

家英哥則表示一直好支持新想法同新人。

新歌將流行曲與粵曲互相融合!

新歌將流行曲與粵曲互相融合!

羅家英大玩創意 與謝曉瑩為中華文化節合唱新歌《金陵幽蘭》

羅家英大玩創意 與謝曉瑩為中華文化節合唱新歌《金陵幽蘭》

程凱欣大讚《金陵幽蘭》MV好看,謝曉瑩直言是導演功勞,家英哥表示:「導演好有心思,佢睇咗個劇本再創作呢個MV,佢要求我戴頂帽,拍嘅時候佢叫我除低頂帽,一路企喺著唱,曉瑩就喺另一個角落,個鏡頭一路影,佢一路行過嚟,好似由呢個時空,去到另一個時空同我見到面,但冇接觸嘅,有一種無可奈何,好依戀嘅感覺,係導演一種浪漫嘅情懷。」

詳細節目內容,請重溫8月26日,早上9-10時,新城知訊台《原來生活好快樂》「自主人生」環節,網址:https://www.metroradio.com.hk/MetroInfo/