陳小春細仔激似老竇！基因超強

兩個仔都似爸爸。

陳小春與應采兒結婚近15年，育有11歲Jasper及4歲Hoho，一家四口幸福美滿。應采兒近年專心湊仔，雖然鮮少幕前演出，但於社交平台經常分享家庭生活。日前（29日）大年初一，佢於IG分享三母子新春合照，點知焦點即刻落於Hoho身上——佢個樣突然變晒，終於望落唔再似女仔！

上年一家四口新年照

相中可見，應采兒與兩兄弟穿上喜慶新春服，Jasper依然活潑精靈，而Hoho就變化驚人，唔止五官愈嚟愈硬朗，仲與陳小春愈睇愈似，完全係爸爸翻版！唔少網民見到都忍唔住留言：「Hoho終於Man返啲啦！」、「陳小春基因真係超強！」、「Jasper又靚仔又醒目，Hoho大個肯定都係型仔！」

今年爸爸要工作，三口子都同大家拜年

相中呢個Hoho仲好似女仔

不過，Jasper依然係典型「暖男」哥哥，笑容滿面，感覺細心又顧家，睇怕將來係唔少女仔嘅夢中情人！

Jasper依舊有型，仲好照顧細佬

陳小春與應采兒的12歲大仔Jasper近日於上海公開亮相，擔任「青少年外語短視頻頒獎活動」主持，首度展現幕前風采，被讚盡得父親「餅印」樣貌與演藝天分。Jasper於活動中以流利普通話、粵語、英語及法語切換發言，表現淡定自如，台下5歲細佬Hoho亦興奮鼓掌支持。

Jasper有「小小春」的稱號，長相神複製爸爸陳小春。

Jasper日前在上海擔任「青少年外語短視頻頒獎活動」主持。

在台上表現淡定。

Jasper為活動認真準備，早上九時已到場綵排，手執畫滿螢光筆記號的講稿，其後更特地理髮換裝，以休閒西裝配牛仔褲登場，架勢十足。他在台上以多語自我介紹，更笑稱在上海生活五年已成「半個上海人」，大方態度獲現場觀眾好評。

5歲細佬Hoho亦有到場支持。