Chantel如願以償做金城安表妹。
「聲夢小花」姚焯菲(Chantel)去年底於新西蘭完成學業返港,宣佈未來9個月會留港發展演藝事業,至今馬不停蹄投入工作!除了早前於《聲生不息‧大灣區季》與容祖兒、薛凱琪、衛蘭合唱《女神》大受好評,最近仲驚喜加盟處境劇《愛回家之開心速遞》,大年初三(31日)晚首次登場,掀起熱議!

Chantel 同三位前輩同台,亦無怯場

表現網民大讚
Chantel於劇中飾演金城安(周家洛飾)表妹「高一彤」,初三晚驚喜登場向熊家拜年,雖然戲份未算多,但表現相當甜美可愛,金城安更搞笑形容佢係「青春可人生命體」!佢出場時跳跳紮紮咁講「恭喜發財」,網民即時大讚:「好似隻兔仔咁得意!」、「估唔到Chantel演技有番咁上下,根叔叫佢之後入熊家住,佢果個趣怪表情我Loop咗十次!」

終於出場

金城安形容Chantel係「青春可人生命體」
雖然Chantel於《愛回家》暫時只係客串,但有唔少粉絲已經敲碗希望佢之後有更多戲份,甚至成為固定角色:「Chantel同熊家啲互動超有愛,TVB快啲加戲啦!」睇嚟「聲夢小花」轉戰劇界亦大有可為,未來發展絕對令人期待!