日前有網民發現於屯門河旁，有兩部疑似經改裝的電動輪椅在單車徑上行走，輪椅的後座疑似加設了企位「載客」，令不少網民批評有關行為罔顧安全又涉嫌違法！
FB影片截圖
兩女子站輪椅後「企位」遊車河
有網民拍片並上載至「屯門友」臉書群組，片段所見，位於屯門河旁的單車徑上，有兩部電動輪椅正在行走，但令人側目的是，這兩部輪椅的後座竟然設有「企位」，而兩名女子分別站在疑似經過加裝的企板上，讓電動輪椅載着「遊車河」。
FB影片截圖
在單車徑上行走惹樓主憂安全問題
片中的兩位女子，都正低頭玩手機，兩人均無扶着輪椅，電動輪椅正在單車徑左面線上行走，而單車等則由右面線駛過。樓主擔心地寫到「咁樣企多個人係電動輪椅上面，好似唔多安全」
FB影片截圖
街坊見怪不怪：輪椅飛車黨成日見
有不少屯門街坊網友都認出片中的兩部電動輪椅，指經常見到它們在區內出現「輪椅飛車黨成日見」，並指站在輪椅後的兩名女子分別是兩部坐輪椅長者的女傭，「依兩位外傭經常性係碼頭個邊行單車徑出元朗」，「佢哋經常咁樣一齊同行㗎，喺室內地方都見過，單車徑都見過幾次喇。」「呢兩個好出名喎，我啲街坊成日喺兆康條路見到佢哋。」
FB影片截圖
網友批評罔顧安全質疑是否已違法
兩部電動輪椅改裝成載客車，並於單車徑行走，大多數網友都批評行為罔顧安全，質疑是否已違法，「仲要唔係一個，仲有兩部同行。」「（涉嫌）犯法，同埋電動輪椅係只可在行人路行，唔可行在單車徑。」「仲有部輪椅（懷疑）改裝犯2條罪。」「萬一有意外，後面企嗰個一定係首當其衝。」
FB影片截圖
網批：唔懲罰就繼續做
而兩位站在企位的女子亦遭網友怒斥「工人企後面玩手機，呀公呀婆做駕駛員自由行，佢哋覺得唔知幾型呀。」「唔懲罰就繼續做。」「健全人士為何要用輪椅呢？」「啲人真係越來越懶」等。
一位孝順女在社交平台發文，大呻雖然自己每月都「嘔15k家用」，但父母仍不滿足，當阿妹提出分擔部份家用時，父母更發爛渣，批評她「俾得幾個錢施捨」。
示意圖。愛回家劇照
樓主：羡慕父母對子女0經濟回報期望
女網友發帖第一句寫到「好羡慕啲屋企父母對子女0經濟回報期望」，她提到自18歲起已沒問屋企拿錢，學費全靠政府資助，做兼職搵生活費之餘，還要每月給父母$2000家用。時至今日她出來社會工作，月入$35000，但每月仍要給逾四成人工即是$15000當家用。
示意圖。愛回家劇照
妹妹提出與姐姐分擔家用即觸怒父母
父母還反對她去旅行，認為「日日出街洗曬啲錢，仲不如俾黎做家用」，還埋怨她給的家用不夠，認為她應該儲多些錢，留給父母養老。當她的妹妹提到想與姐姐分擔一半家用，認為姐姐以後搬出去住都需要有錢旁身，怎料卻觸動了父母的神經，罵到「搬出去唔洗俾伙食養我地？」「仲不如宜家我地退休 劃掂都冇人理我地」、「你係咪以為俾得幾個錢拖捨俾我地？」、「咁姐係逼我地冇人理做乞丐靠政府」令事主感到崩潰。
示意圖。愛回家劇照
父母有兼職「每人都有月入起碼14k」
她坦言父母的說話「唔會令我想俾多啲錢」「只會覺得更加堅定有能力就搬出去住」事主還透露其實父母親都有固定的兼職，「每人都有月入起碼14k」，但依然覺得女兒給的家用不夠。雖然事主曾提出只負責家中租、水、電、煤等開支，卻要求她要連買餸、日用品等費用都「負責埋」。她大感不惑，點解「你哋人工就唔洗拎出嚟完全係自用就得？邊到合理㗎」。
示意圖。愛回家劇照
網友怒批父母行為如「當子女ATM」
帖文一出，網民都為樓主感不值，紛紛留言力撐，更批評她的父母，如「當子女ATM」網民怒斥「四肢健全行得做得pt仲要問個女攞15k真係cls」、「即係你屋企人依家仲返緊工仲要食你萬$5家用？」「佢2個既人工做零用架，咁爽？」「自己有職業，仲虎視眈眈你啲錢」
「養兒防老」觀念已過時
亦有網民覺得舊時老一輩「養兒防老」觀念已過時，坦言「養兒防老係以前農業社會觀念」「窮人+傳統思想父母先會咁」、「好藍領父母feel」。有網民指「呢類上一代知識差距過大導致溝通唔到真係好常見」。
