林超賢花10億打造中國首部深海軍事電影《蛟龍行動》 預告與張家輝開拍《激戰》續集

由著名動作導演林超賢以10億人民幣打造、中國首部深海軍事巨製《蛟龍行動》，率先於9月7日舉辦優先場，張家輝和導演林超賢齊齊接受傳媒訪問，二人更透露將會合作新項目。

本網記者攝

本網記者攝

本網記者攝

本網記者攝

本網記者攝

本網記者攝

林超賢表示：「尋尋覓覓終於佢（張家輝）有樣嘢有啲反應，呢次出嚟不得了！梗係挑戰佢啦，上次挑戰唔到佢副架撐，今次挑戰第二啲嘢。」張家輝指：「因為我哋成日都會發掘吓啲劇情，咁有時都好難諗嘅，因為𠵱家嗰個經濟氣氛、社會狀況，大家都有啲猶豫。講返我哋喺呢部戲嘅激戰，原來我哋擁有咗自己IP，冇諗過咁樣，因為當年嘅《激戰》都造就咗好好嘅電影氣氛，裏面嘅電影精神都鼓勵咗好多人內心嘅深處。如果我哋做返《激戰2》，相信係會循住一個勵志、熱血嘅動作劇情片，都會快速投入到呢個故事嘅基礎。但相對地，我哋再做呢單嘢個挑戰就會再大，因為《激戰》本身個迴響太厲害，鼓勵咗人生嘅熱血點好強，所以我哋要突破其實都唔易。」

本網記者攝

本網記者攝

本網記者攝

本網記者攝

本網記者攝

本網記者攝

張張家輝直言：「因為我而健身呢件事我知道嘅，鼓勵到一啲對人生、生活唔開心或者唔如意時，呢部戲當時能鼓勵呢啲人，令我更開心。見到留言有人話每次人生低潮時都要攞呢部戲嚟睇吓，甚至乎唔夠時間都攞佢首《Sound Of Silence》嚟聽吓，成個人就好似催促返，叫佢企返起身再跑，同觀眾Share到呢個意義，係整套戲我覺得最開心嘅Point。」林超賢肯定地說：「當然啦，我哋係原班人馬，其實劇本開始緊㗎喇，希望可以明年年頭開始拍。」張家輝笑言將健身部分交給彭于晏負責，自己則只靠買AI，「人嘅嘢有時年紀係好大問題。」

本網記者攝

本網記者攝

本網記者攝

本網記者攝

本網記者攝

本網記者攝

林超賢謂：「起碼人物上係全部關連，我諗大家都好難忘佢哋幾個個角色，當然係用返佢哋本身個角色，喺人生嘅段路上又去到另一個階段。人嘅高高低低、困困惑惑喺每一個時段都會出現，今次到底佢哋幾個又會遇上咩問題呢？咁就睇戲啦。」他又透露應該會有新Cast加入。他談到《蛟龍行動》：「搭咗兩隻1:1......全部都跟到足咁做，連內面都係。當然佢唔能夠落海，嗰啲要靠動畫，上升、下潛嗰啲我哋就喺個水池度做。其實每次都係咁㗎喇，搵啲唔識嘅嘢，做完呢部戲都三年，可以講我哋都係潛艇專家嚟。隻艇𠵱家擺咗喺青島，將佢執返靚佢，會再做教育，可能會安排一啲團體或者學校，就去學一啲嘢。」他又感慨道：「終於有機會返香港喇，我返嚟喇！」

導演林超賢日前觀賞進念•二十面體第五度重演的《13·67》2.1，對演出讚不絕口。他表示劇中呈現的香港時光和配樂令他這一代人感觸良多，更特別點名稱讚演員黃安晴：「她唱歌非常有感染力，非常之好！」當聽到張國榮經典金曲時，林導感慨萬千，直言：「會想起哥哥當時最光芒四射的時候」。

著名電影監製梁鳳英、林超賢、劉千石與演員黃安晴及鍾家誠合照。

胡恩威推理劇場《13．67》2.1海報

該劇改編自香港推理大師陳浩基小說，結合藝術科技與跨年代廣東歌，現於香港文化中心劇場上演至5月31日。林超賢觀後更與監製梁鳳英、劉千石及演員黃安晴、鍾家誠等合照留念。

當聽到張國榮經典金曲時，他感慨萬千：「會想起哥哥當時最光芒四射的時候。」

林超賢特別點名激賞女演員黃安晴歌聲「非常有感染力」。