中秋遭城門馬騮搶月餅！港女怨：我咒佢屙爛屎！網笑：五仁月餅有出路

中秋節要「食燈籠、玩月餅」，原來連馬騮都要應節？有港女於中秋節（星期一）在網上發文，在城門隧道被馬騮突襲，搶走整盒月餅。

有港女於中秋節（星期一）在網上發文，在城門隧道被馬騮突襲，搶走整盒月餅。資料圖片

樓主被馬騮搶月餅

樓主在10月6日（星期一）於社交平台Threads發文表示，「1人1個奇葩事情紀錄，Me:俾馬騮搶月餅」，標示地點在城隧，並提醒「大東北人今日記得注意下」。

馬騮在欄杆上研究袋中是何物

樓主上傳兩張照片，見到馬騮在路邊欄杆上拿着月餅爬行。

馬騮在路邊欄杆上拿着月餅爬行。當事人帖文截圖圖片

另一張就見到馬騮坐在欄杆上，像是研究袋中是何物。樓主亦在下方留言氣憤地說「我咒佢（馬騮）屙爛屎」。

馬騮坐在欄杆上，像是研究袋中是何物。當事人帖文截圖圖片

網民笑言：五仁月餅有出路

網民紛紛留言笑指，「啲五仁月餅終於有出路」、「乜嘢味先？」、「馬騮：X你老X五仁嚟嘅」、「月餅神偷」、「佢都要上山賞月」、「屋企咁多月餅請佢哋食幾好」。

網民留言分享自身經歷。資料圖片

網民分享自身經歷

有網民留言分享自身經歷，「上次打完十號波第二朝喺度俾馬騮搶咗我個包，直接扯斷個手抽麵包連袋咬走」。樓主回覆說「班友好熟手，已經唔係膠袋都搶」。

有業主近日於社交平台分享表示，自己以超過二百萬港元購入一個公屋單位，不料在收樓僅約十天、尚未開始裝修之際，廁所天花即突然有石屎崩塌墜下。

樓主分享慘事。FB截圖

假天花擋下沉重石屎

該名業主在Facebook群組「公屋討論區 - 香港facebook群組」發文，講述事件經過。從其上傳的照片可見，單位外觀看似新淨，但廁所內用以遮蓋的「假天花」已爆開，揭露內裏石屎嚴重發黑、發霉並斷裂。

「假天花」已爆開。FB圖片

「假天花」已爆開。FB圖片

業主心有餘悸：唔死都變殘

墮落的石屎塊散落廁所地面，體積與旁邊的膠椅相若，相當巨大。業主形容，幸好事發時有假天花阻擋，墜下的石屎未有直接擊中人，否則後果不堪設想。他強調：「成幅石屎冧落嚟，冇天花嘅話，真係會揼死人，一塊石屎十幾二十斤揼落嚟，唔死都變殘」。

石屎嚴重發黑、發霉。FB圖片

樓主：「冇天花嘅話，真係會揼死人」。FB圖片

網民拆解原因

事件引起網民熱議，不少留言直指問題核心，認為單位極有可能是經過刻意掩飾的「化妝樓」。網民紛紛留言表示，「好恐怖啊……」、「大把賤精業主，小心！」。亦有網民分析，假天花常被用作遮蓋滲漏、結構缺陷等問題，一旦發現單位內有假天花，必須特別留神，要求查看內部情況：「假天花係用嚟遮醜，一有假天花要睇清楚啲」、「買化妝樓前要三思！正所謂金玉其外，敗絮其中」。