由政府及TVB聯手打造全新節目《好嘢港多啲》，每集兩分鐘迷你短劇，逢星期六晚播出，由多名一綫藝人參與。剛播出的一集介紹12月7日立法會換屆選舉的投票便民安排，有別於過往由TVB劇集經典角色擔綱演出，今次由曾三度奪得《萬千星輝頒獎典禮》的「最佳女主持」殊榮的人氣主持陳貝兒擔綱，還有「東張男神」曾錦燊及憑《新聞女王》「飛爺」角色深入民心的鄧智堅驚喜現身。
陳貝兒介紹立法會換屆選舉的投票便民安排。
在今集節目中，經常要周圍飛拍攝節目的陳貝兒話，自己幾忙都要喺 12月7日立法會選舉投票日留喺香港。反而，曾錦燊就掛住拍拖，話想趁星期日陪女友培養感情，唔無時間投票咁話。
片中，曾錦燊話要拍拖無暇投票。
一向形象正氣的陳貝兒，立即指正他「拖要拍，但票也一定要投」，其實12月7日係星期日，最啱拍住拖去投票啦，事關立法會選舉真係同大家息息相關。
陳貝兒指正曾錦燊「拖要拍，但票也一定要投」。
點解呢？陳貝兒就舉咗個例子，特首李家超喺2025年《施政報告》提到好多「拼經濟、謀發展、惠民生」的政策，但要落實呢啲政策，就需要立法會審批通過，所以大家都要應善用手上的一票，選出心儀的議員進入立法會，因為代表咗我哋利益同服務香港。曾錦燊聽完陳貝兒一番「感言」，都即刻要打給他的「BB」，一齊12月7號投完票先去玩啦。
飾演「老細」的鄧智堅驚喜現身。
在片中飾演「老細」的鄧智堅，就話準備去深圳，曾錦燊提醒他要記得回來投票，但同好多要北上公幹、兩邊走的生意人或打工仔一樣，要返內地工作，又要投票，真係時間好尷尬。
大部分票站已採用電子化流程，選民只須花幾分鐘就可領取選票。
不過，正如陳貝兒話齋，其實選民都無藉口唔投票的，因為政府推出咗好多便利措施，方便市民投票，絕大部分票站已採用電子化流程，選民只須花幾分鐘就可領取選票，大大縮短投票時間。
還有，政府將在鄰近邊境地區，設立4個邊境投票站，方便身在內地的選民回來投票，但要記住事先在選舉事務處的網上系統登記。況且，今次投票時間分別提早及延長1小時，即朝早7點半至晚上11時半，一共16小時，就自要北上再回來投票，都趕得切啦。所以，市民要謹記「投入選舉，共創未來」，12月7號一齊來投票！
Sebastian
** 博客文章文責自負,不代表本公司立場 **
