人越大，對食的要求及質素就越高。小時候的放題式日本料理，近年已經少食。總是覺得，食要食得精緻有素質，遠比食得抵或多而好。畢竟，年紀大，可以食的，也無幾多數量了！
朋友介紹黎到佐敦逸東酒店的Yagura日本餐廳，黎食「和風御膳料理」，一位HK$550，九道菜，原來都唔算好貴。
前菜，是「法蓮草伴櫻花蝦乾」以及小魚干。
很欣賞那精緻的櫻花蝦，有著櫻花蝦的甘甜及香脆，配上香草，更加清新。
熱辣辣，可以點上一杯冰凍的「梅子飲品」HK$50，黎醒一醒胃～～
刺身，是有北海道岩蠔、鱸魚、深海池魚、赤海蝦等等。用上是當造食材，新鮮度絕對有保證！
赤海蝦，單看其晶瑩剔透的色澤，就知道新鮮了。絕無苦澀味，鮮味十足！而深海池魚、肉質軟滑，油脂豐富，有著魚油回甘。
最喜歡的，還是「北海道岩蠔」，鮮甜而只有略少的海水味，質感Creamy，配上日式酸汁，更是調起胃口！
食完凍嘢，再飲返啲暖嘢暖返個胃～～湯品也是誠意之作：「鹿兒島黑豚味噌湯」。不是說笑，入面當真是有兩三片肥美的鹿兒島黑豚肉呢～～絕不是街外求其用粉沖的味噌湯哦！
想不到醋物是我很喜歡的鰻魚呢～～「鰻魚十月十蠻漬」。用上肥美的已燒過的鰻魚，有著微微炭爐香，再放在糖醋汁內，既可以食到炭香肥美的鰻魚，也可以食到糖醋沖中和了油脂感的魚油。
壽司方面，也是用心之選～～
左起火炙和牛壽司、平目魚裙邊壽司、海膽壽司。
微燒過和牛的表層，食得到有炭火香氣。入口即溶的感覺，食起上黎牛味濃郁。
油香感十足的平目魚裙邊壽司，滑溜而甘香，回味良久。海膽壽司，金黃海贍十分香甜。而且鮮味十足！最讚是紫菜夠晒脆，真是一絲不苟。
燒物，有著我最愛的大蝦以及雞翼！「柚子鹽燒虎蝦 」以及「日本薩摩赤雞翼」。
柚子鹽燒虎蝦，夠晒大隻，而且燒得焦香，肉質鮮而爽身。雞翼燒得金黃香脆，食起上黎一隻唔夠喉呢～～
天婦羅方面，有著香甜的日本蕃薯，炸得金香而無乜油，干身。而南瓜也同時也炸得好好，粉醬薄脆。
最正係紫蘇葉炸帶子，用上新鮮紫蘇葉包裹著新鮮的帶子，沾上十分薄脆的粉醬，食起上黎真是一絕。紫蘇葉獨有的香氣，中和了炸後的油感。加上鮮甜帶子，令人回味。
鹿兒島黑豚稻庭烏冬，湯頭清而順喉，烏冬也挺煙韌，加上黑豚肉做的叉燒，入口即溶呢～～
甜品，是新鮮的日本香甜水蜜桃、以及雪米糍 HK$550一位，當真食得好滿足呢～～
Yogurt 日本餐廳
佐敦彌敦道380號香港逸東酒店地面下層LG/F
Staice
** 博客文章文責自負,不代表本公司立場 **