Skip to Content Facebook Feature Image

鍾醫師ECmama~ 周公,不要離我太遠(II)

絲打

鍾醫師ECmama~ 周公,不要離我太遠(II)
絲打

絲打

鍾醫師ECmama~ 周公,不要離我太遠(II)

2016年11月22日 10:40 最後更新:19:11

上回提到失眠問題,經過2星期絲打們有無對自己好D呢,做多D令自己開心既事,睇下電影、聽下音樂放鬆心情?如果仲係瞓得唔好,不坊試下懶人茶療法。

我上篇提過失眠係會分虛同實,虛證通常係漸進式;實證通常係會突然之間就出現。

先介紹虛證茶療,虛證常見有血虛、氣虛,症狀除左失眠外,日間工作會心不在焉,成日唔記得野,有時頭暈暈,或者成日都覺得心驚驚、心跳跳,心血少唔嚇得咁。

養血安神茶

養血安神茶

養血安神茶

材料:柏子仁10g(約1湯匙)、桂圓3-4粒

先將材料放入保溫壺加100-150ml熱水,泡1-2分鐘,倒出熱水,再加約200ml熱水,焗15-20分鐘,就飲得。

E款茶可以養心安神之外,仲可以改善有便秘煩惱既絲打們,因為除左有桂圓,大補陰血外,仲有柏子仁,柏子仁既有安神,又有潤腸通便之效。但要記住如果有肚痾,平時大便偏爛就要將柏子仁份量減至一半或只用桂圓哦!

舒解安眠茶

舒解安眠茶

舒解安眠茶

材料:玫瑰花4-5朵、酸棗仁10g(約1湯匙)、合歡花4-5朵

先將材料放入保溫壺加100-150ml熱水,泡1-2分鐘,倒出熱水,再加約200ml熱水,焗15-20分鐘,就飲得。

E款茶就適合被人激親,壓力較大既絲打們飲,除左我地熟識既玫瑰花可以舒肝解鬱外,另外合歡花都有解郁理氣,安神鎮靜作用,而酸棗仁係現代藥理顯示含有皂苷可補肝寧心,有效延長睡眠時間。

留意既係,服用以上兩款安眠茶以大半杯左右即可,避免半夜要痾夜尿哦!

最後如果持續失眠太耐都係要正視一下,歡迎絲打們喺下面comment 留言查詢。




EC.mama

** 博客文章文責自負,不代表本公司立場 **

往下看更多文章

鍾醫師ECmama~ 周公,不要離我太遠(I)

2016年10月31日 16:38 最後更新:11:24

近日多咗好多絲打嚟搵我睇「失眠」,搵ECmama前,慘慘豬「失眠」絲打可睇下以下建議:

失眠原因是來自於工作壓力大? 或是其他內在原因影響?

如果係來自於工作壓力的話,ECmama強烈建議係唔洗黎睇我架!因為食藥針灸都唔會解決到工作上既壓力,絲打們可以選擇做一些令自己非常高興既事情,例如:買下靚衫、食餐好既、或者解決工作壓力源頭。若然被上司話完之後認真諗下係咪自己既錯誤定係上司無理地想發洩一下,前者咪反省下,下次做好D;後者咪左耳入右耳出唔好放係心裡面。有時做下運動,做下家務都可以放鬆心情架!

好啦!做哂以上都係瞓唔到,咁身體真係出現氣血陰陽唔平衡既狀態,首先中醫對於失眠,有D得意既睇法,中醫會分虛同實,虛證通常係漸進式;實證通常係會突然之間就出現。漸進式既虛證常見有血陰虛、氣虛,這類患者通常會日間心不在焉,有時頭重重、頭暈暈,嚴重者會成日都覺得心驚驚、心跳跳咁,好似D老人家成日都話,年紀大瞓得少,就係因為老人家D氣血少左,令到身體出現氣血虛既情況導致失眠;至於另一類患者,通常都會係被人激得太耐,條氣唔順或者食滯左,食得油膩左,個排食得熱氣野多,生日、buffet、飯局多而導致,中醫學有句說話「胃不和,即卧不安。」個胃唔多好,你都唔洗諗瞓得好呀!

所以絲打有失眠情況,不妨先留意一下自己身體有無以上症狀,或者係咪吸收一下正能量,睇下星爺D戲係咪已經有改善?

下一回ECmama 會同大家分享失眠茶療或食療之選。

你 或 有 興 趣 的 文 章