港鐵紅磡站的大型鐵路展覽「載遇‧站見」完成擴充工程，於日前重新對公眾開放。首日開放，參觀者就發現一個熟悉的身影——曾因在樂園前月台以Rap形式提醒乘客注意安全而爆紅的「港鐵rapper Hinson」，如今已換上新崗位，成為展覽的導賞員，繼續以其獨特風格發光發熱。
threads圖片
有參觀者在社交平台Threads發文及上載影片，興奮表示「載遇站見 鐵路展，第一日重開！重點喺Rapper Hinson哥哥」。影片所見，Hinson在帶領公眾入場前，以他一貫富有節奏感的Rap口吻講解參觀守則，內容朗朗上口：「帶走垃圾就係常識，參觀證要帶好，離開前要保管好，開心講細聲笑，參觀豈不就更美妙，影相打卡請守禮，互相幫助大家都like。」
他更不忘提醒大家珍惜展品：「仲有最重要、最重要，就係入面嘅玩具、文物同埋古蹟，都希望各位好好珍惜。」並預告展覽新增了模擬駕駛體驗，呼籲大家預約參與。
threads圖片
Hinson轉職成為港鐵公共關係助理，並在展覽中擔任導賞員的安排，獲得網民一致好評。不少人笑言「見到佢就覺得佢就係港鐵代言人」、「代言人諗起佢多過鐵仔」，更大讚他「稱職」。網民認為「港鐵果然重視民意，安排咁啱佢嘅職位畀佢」，並感慨「做到自己想做嘅工作，係香港其實好難，佢做到」。
展覽首日已吸引不少市民專程到場，更有人直言「聽到有人嚟展覽就係為咗同佢（Hinson ）打卡」，足見其人氣。有網民留言祝賀：「恭喜佢搵到1份可以做到退休的職業。」亦有人為他打抱不平，指即使有人批評，但Hinson的熱誠值得肯定：「份工 咁悶都咁有heart做，已經扺讚啦……千萬個殼有1個Hinson，絕對值得讚啦，彈乜鬼。」
一名男童早前在藍田等候校巴期間，因校車遲到誤以為被遺棄，無助地在街頭哭泣。幸得一位「好人先生」及時伸出援手，留下200元讓他乘搭的士上學。這份陌生人的溫暖令男童一家深受感動，他們親手寫下感謝卡，急切希望尋回這位無名英雄，親自歸還款項並表達謝意。
threads圖片
樓主早前在社交平台Threads發帖尋人，並以「藍田」為題上載照片。這位港媽樓主講述事件經過：「話說早兩日（5月12日），犬兒喺樓下等校巴嘅時候，校巴因為交通問題遲咗，而傻豬豬嘅佢又唔知道，以為校巴已經走咗冇等佢，嚇到企喺度喊……」
她續稱：「喺呢個時候，有一位好人姨姨上前問佢咩事，之後又有一位好人先生過嚟關心佢。了解咗發生咩事之後，好人先生就交低咗200蚊俾犬兒、等佢可以自己搭的士返學，跟住就匆忙上車走咗。」
《愛回家》劇照。示意圖片
樓主補充後續情況：「當然，校巴只係因為交通問題而遲咗少少，喺好人先生揚長而去無耐，犬兒已經順利上咗校巴。」她誠懇表示：「好想搵返呢一位好心人，還返200蚊俾你之餘，親口多謝你m(_ _)m。而家呢個世代騙子橫行，好心人已經買少見少。真係好感激你！」
樓主上載了與「犬兒」一同親手製作的英文感謝卡照片。卡中的下款，小朋友以「Helplesskid」（無助的小孩）自稱，上款則是「DearMr.Kindheart」（親愛的好人先生）。卡內寫著「Thankyou!Youmademyday.」（謝謝！你讓我今天很開心。），並以心形圖案代替「0」，畫了兩張充滿愛心的鈔票。
樓主在卡內左下方補充寫道：「Messagefromthemom:Thankyousosomuchforyourhelp!Mysillyboymanagedtogetontheschoolbusrightafteryouleft.Hewassoluckytohaveyouthere!（媽媽留言：非常感謝你的幫忙！你剛走，我那傻兒子就乖乖地坐上了校車。他真幸運有你在！）」
《愛回家》劇照，示意圖片
帖文引來網民熱議，紛紛讚揚「好人先生」「真係好man（男人），俠骨柔情」；亦有人稱讚「樓主好有家教」。有網民估計：「我直覺嗰位好人先生就算見到呢個po（帖文）都未必想要返個$200，因為呢類慷慨俠士通常都唔想領功，佢會叫你捐咗佢，所以如果最後真係搵唔到人，你捐咗佢，好人先生應該一樣會好開心。」
樓主回應指：「我都有咁嘅打算，不過最希望係搵到佢。就算佢唔肯收，都至少俾佢知道，小朋友安全無恙、同埋我哋多謝佢嘅心情」
threads圖片
她也在回應欄補充尋人想法：「我有諗過好唔好print（印）啲傳單，派去附近幾棟大廈嘅信箱，希望可以reach（接觸）到呢位好人先生…但又怕好似太aggressive（進取）？大家點睇嘅話都歡迎俾啲意見，先行謝過如果過咗一段時間，都真係未搵到好人先生，誠如其中一位留言嘅網友所講，我都會認真去搵一個信得過嘅機構加碼捐咗佢，希望受到幫助嘅我哋傳俾下一位，一直傳開去。」
threads圖片
還有不少網民留意到事主以「犬兒」稱呼兒子，留言道：「好耐未聽過有人用犬兒稱呼自己的兒子」，而事主也回應解釋：「我個人比較懷舊，希望自己keep（維持）住講，大家都會繼續一齊講～」
