人氣女團Lolly Talk（LT）成員Yanny（劉綺婷）的首本個人寫真集《27.5°C的幸福》自預售以來掀起搶購熱潮。為答謝「波板糖」（粉絲暱稱）的鼎力支持，Yanny昨日（6月13日）於旺角朗豪坊Live Stage舉行首場專屬簽書會。活動除了吸引大批粉絲提早到場排隊霸位，一眾圈中好友亦親臨現場送上驚喜，令Yanny感動不已。
Yanny為首本個人寫真集《27.5°C的幸福》於旺角朗豪坊Live Stage舉行首場專屬簽書會。
大批粉絲提早到場排隊霸位。
圈中好友齊撐場 LT、Beanies、JFFT化身小粉絲
點擊看圖輯
Yanny為首本個人寫真集《27.5°C的幸福》於旺角朗豪坊Live Stage舉行首場專屬簽書會。
大批粉絲提早到場排隊霸位。
MeiMei、Yanny、阿Yo、Elka
Yanny、趙善恆
張天穎、Yanny、Elka
張天穎、Yanny、李凱翹
良少、雞翼、Yanny、MeiMei、阿Yo
Yanny人緣極佳，昨日的簽書會除了獲過百粉絲撐場外，多位圈中好友亦特意現身支持。Lolly Talk好姊妹MeiMei、阿Yo及Elka齊齊驚喜現身，為Yanny打氣；趙善恆、女子組合Beanies成員張天穎及李凱翹，以及人氣YouTube頻道JFFT成員雞翼與良少亦親身到場支持。
MeiMei、Yanny、阿Yo、Elka
Yanny、趙善恆
張天穎、Yanny、Elka
張天穎、Yanny、李凱翹
良少、雞翼、Yanny、MeiMei、阿Yo
談到寫真書及Showcase終於呈現於大家眼前，Yanny難掩興奮之情：「心情真係好興奮！見到親朋戚友到場支持買書同紀念品，齊齊食住雪糕影相，我都好滿足。」面對好友與粉絲的熱烈應援，她感動地表示：「估唔到現場咁多fans一早到場，簽書時仲收到佢哋畀嘅零食同禮物。有啲粉絲由天光陪我陪到天黑，陪足六個鐘！見到大家專登抽時間嚟撐我，場面好似一班朋友開Party咁開心，真係太感動！」
首試健康性感 克服怕醜獲父母支持 LT齊讚靚
寫真集中最引人注目之一，就有Yanny首次挑戰泳裝Look。談及這次「初性感」突破，她笑言拍攝初期相當生硬：「着泳裝影頭嗰幾分鐘非常怕羞，忍唔住擺啲頭髮遮遮掩掩。後尾連化妝師同助手都忍唔住話：『太多頭髮遮住喇！』我先意識到搞到成張相冇乜美感。後來慢慢放鬆咗，就影得好自然。」
至於有否率先給家人及朋友過目？Yanny甜笑指父母非常開明：「喺沖繩影完相返嚟，我都忍唔住第一時間畀Lolly Talk嘅成員睇，佢哋都大讚啲相影得好靚！而屋企人睇完都讚係健康性感。」
難忘與馬匹互動 預告戲院放映絕密花絮
提到宣傳海報中的騎馬相，原來是Yanny其中一張最喜歡的相片：「今次係我第一次騎馬，未見到馬之前有啲驚同擔心。但見到真馬喺我面前，覺得佢好乖、好有靈性。有時佢仲會同我對望，又喺我耳邊噴氣，好似同我講悄悄話咁！同佢一齊影相好順利，出嚟嘅感覺非常治癒，絕對係我全本書最鍾意嘅相之一。」
除了Showcase相展及簽書會，Yanny亦為購買了限量套裝的粉絲準備了終極驚喜。她興奮預告：「6月23號會喺戲院大銀幕播我喺沖繩拍嘅搞笑蝦碌花絮，希望大家一路睇，感覺似係陪我一齊遊歷沖繩！」她更大賣關子透露花絮內容尺度大開：「片段入面會有一啲我覺得比較性感少少嘅畫面啦，亦有我崩潰咆哮嘅場面，甚至仲有毫無保留嘅『素顏樣』！大家絕對會見到最真實嘅我，保證驚喜！」
