Carina@VIVA新歌直擊少女心囉囉攣 李晞彤親自挑選MV男主角自爆鍾意犬系男友

繼首支solo單曲《讓路》，VIVA隊長Carina李晞彤帶來第二首個人單曲《半夜跳進你限動》，今次不再叫人讓路，而是偷偷潛入你的限時動態，大唱少女曖昧心事。新歌大講現代男女曖昧攻防戰，想找人又怕太主動，不出聲又怕對方get不到，只會每晚按進對方的限時動態，看看有否「獨家signal」。歌曲還有隱藏密碼，以「da da da」三個音節收藏八個英文字，究竟是「I LOVE YOU」還是其他？Carina謂聽到最後就會明白心意。

VIVA隊長Carina

VIVA隊長Carina

李晞彤帶來第二首個人單曲《半夜跳進你限動》

李晞彤帶來第二首個人單曲《半夜跳進你限動》

既然是少女心事，唱腔跟之前《讓路》的Cool Vibe完全相反，Carina指今次以VIVA內的唱Sweet歌的演繹，而且還要再Cute點。首次跟監製蘇杜哲合作，在演譯上對方提供不少意見，過程輕鬆又有趣，「佢叫我想像一個唔同年齡嘅女仔嘅聲線，譬如會話：『呢個sweet得滯啦，可能要去番二十歲嘅sweet。』或者『呢個唔夠sweet，可能要去番十二歲嘅sweet。』」就連咬字都要刻意「歪歪哋」，營造可愛感，Carina笑言：「希望個感覺唔會過分油膩啦。」

唱腔跟之前《讓路》的Cool Vibe完全相反

唱腔跟之前《讓路》的Cool Vibe完全相反

Carina指今次以VIVA內的唱Sweet歌的演繹

Carina指今次以VIVA內的唱Sweet歌的演繹

MV方面，Carina謂最好笑的scene是開場收到Crush「Shawn」的訊息，她整個人暈了落床那個「花痴樣」，「我覺得有啲似周星馳嗰啲感覺，哈哈。」Carina指拍MV前跟導演討論男主角部份，導演問她對於理想型的要求。Carina坦言本身都說沒有所謂，最後卻給了很多元素，十分仔細向導演披露她的揀偶條件，「我鍾意嘅男仔要攣頭髮、身高比我高，要識打籃球、識煮飯，可能有兩隻狗仔，隻狗仔最好係金毛。」她笑言今次MV的男主角完全滿足了她對理想型男友的喜好去揀，絕對落足心思。

雖然新歌講怦然心動的心情，但二十四歲的Carina竟然說這種少女心的歌是她的「尾班車」，而且只此一次！「我覺得而家呢個年紀應該係尾班車去做呢個心動嘅感受，呢種感覺嘅歌，我只係會做一次。希望大家都會鍾意今次嘅演繹。」講到歌曲中「想靠近又唔敢主動」的心情，平時牙尖嘴利的Carina坦言自己都有這一面，她指自己偏向直接，對方通常都會Feel到，但當就嚟得米、大家知道互相喜歡的時候，她反而會褪後，「嗰陣時嘅心情就係想靠近但又唔敢太主動，係怕醜狀態嘅時候。」

女團VIVA隊長Carina李晞彤與VIVA成員完成啟德主場館唱歌成就解鎖，得到網民留言鼓勵；Carina在演出前一天曾在網上為自己及隊友打氣：「VIVA 會有一日可以唱到自己歌的，所有過程都係必須，得到嘅時候就係上天覺得最適合同準備好嘅時候！」怎料翌日「開口中」得到演出唱歌機會，Carina希望突如其來的幸運延續至其個人首支單曲《讓路》，新歌已於日前正式上架。

VIVA隊長Carina獲公司力捧成為首位單飛代表。

今次整個新歌的宣傳企劃其實由Carina主動提議兼親自主理，她主動向公司爭取做一個月的期間限定「Marketer」。新歌上架當日，Carina拿着印製好的一千張宣傳單張，由下午兩點開始，走勻尖咀星光大道、小輪碼頭、葵芳廣場、旺角銀行中心，到最後一站的銅鑼灣時代廣場，足足派足八個鐘。Carina一開始已經開行turbo，完全不怕醜，見人就派，就算被拒絕都完全打擊不到她士氣，繼續笑住落力派，passion滿滿。期間更有不少途人要求合照。

事後Carina分享感受時第一句就話：「派到靈魂出竅，哈哈。我完全忘記咗要食飯呢件事，可能今日太熱啦，所以覺得完全唔食都OK，但係個感覺係想係咁飲嘢，啱啱有個fans拎咗支水俾我。」她繼續笑着說：「好多人讚我靚，好開心，因為多數都係女仔讚，男仔多數唔理我。」至於被拒絕的感覺如何？Carina直言：「我又冇乜嘢感覺喎。」最令她難忘的是一位姨姨，「佢唔知我派緊乜嘢，喺好遠行過嚟問我：『你派緊乜嘢啊？』我同佢講咗啦，然後佢同我講：『好啦，加油啦，我見你都企咗好耐啦。』好sweet呀，我發現我都係啱女仔嘅market多啲，哈哈。」

新歌《讓路》由KW朱敏希、Y.Siu作曲，梁嘉茵填詞，陳考威監製，曲風與VIVA截然不同。

歌曲不單止是Carina solo的開端，更是一首屬於新世代的態度宣言，不再跟舊有的單一航道，大家一齊學會「Do It Solo」，叫所有舊規矩統統讓開。《讓路》由KW朱敏希、Y.Siu作曲，梁嘉茵填詞，Y.Siu編曲，陳考威監製，曲風跟Carina於VIVA的感覺大不同，連她自己也說：「今次用咗一個平時VIVA唔會用嘅tone嚟唱，比較cool啲嘅tone。」

新歌上架當日，Carina拿着印製好的一千張宣傳單張，由下午兩點開始走勻尖咀星光大道、葵芳廣場等街頭，足足派足八個鐘。

即使被途人拒絕亦完全打擊不到她的士氣，繼續笑住落力派。

MV中，Carina挑戰了從未試過的舞風，導演特別想跳多一點Voguing或者用手的動作，所以整個chorus都見到Carina不停伸長手腳地舞動。Carina笑着說：「呢樣嘢喺VIVA入面都冇點樣試過，亦都係第一次嘗試Voguing，係有啲困難。」除了跳舞，記歌詞都成為一大難關，Carina自爆，「我第一、二段有啲撈亂咗嚟唱，因為平時VIVA嘅lip sync都係一人負責一啲，今次成首都係自己，所以成日都忘詞，呢個壓力都幾大。」

造型方面，一個全新髮型令Carina特別興奮，「我從來都冇諗過自己會爆炸頭！喺化妝車攰到瞓着咗，一擘大眼就換咗一個新嘅妝同埋新嘅頭，覺得：『Nice！』」亦有很多的新嘗試，「好似Hair Band或者一啲好2000年嘅look，之前都好少機會試，今次試到好開心。」

VIVA隊長Carina獲公司力捧成為首位單飛代表。