夫妻的博弈｜連環爆Seed力摑張頴康幕後花絮曝光 高海寧狠勁連工作人員都嚇窒：呢個女仔有啲可怕

由無綫與優酷聯合出品，鍾澍佳總監製，黃國輝監製，梁敏華總編劇的輕鬆愛情小品劇《宏利保險呈獻：夫妻的博弈》，逢周一至周五晚翡翠台8點半播映，由高海寧、馬國明、何廣沛、郭柏妍、黃智賢、陳曉華、張頴康、游嘉欣及鄧智堅主演。

見到張頴康咁嘅樣對住你，你唔係高Ling你都打冷震啦。

見到張頴康咁嘅樣對住你，你唔係高Ling你都打冷震啦。

第14集精彩劇照預告

為咗求婚成功，今晚阿Mark出盡法寶、碌盡人情卡。

第14集精彩劇照預告

第14集精彩劇照預告

昨晚（19日）一集《夫妻的博弈》，劇情講述Aiden（馬國明飾）因看不過眼大哥Titan（黃智賢飾）出招離間他與未婚妻Quinn Wu（陳曉華飾），遂的起心肝要求盡快完成這宗「政治婚姻」、火力全開與Titan爭奪家業…喜見Aiden變得進取的葉老太（黃文慧飾）選擇在葉家與胡家舉行大型簽約儀式當日宣布Aiden與Quinn婚訊，令功利的Titan及Quinn弟弟Ken（孔德賢飾）、以及盲撐阿仔Ken的胡振東（李成昌飾）大感冇癮。

另邊廂，阿Mark（張頴康飾）為盡快從母親李佩貞（林漪娸飾）手上拿取「結婚資金」還債，竟想到借用公司資源向Senna（高海寧飾）求婚，Senna為此大感錯愕…今晚（8月20日）焦點劇情，將是高Ling如何智退「渣男」張頴康，並順道撕破「綠茶」郭柏妍小三真面目。根據官方場口拍攝花絮，高Ling拍攝掌摑張頴康戲份前開心至手舞足蹈：「我終於都等到喇！」還不斷研究用哪一隻手摑張頴康才更有效果，當高Ling表示左手唔夠力想轉右手打時，連在場的工作人員也驚呼：「呢個女仔有啲可怕。」不過張頴康似乎冇有怕，試位時更葉問上身搞氣氛，服咗佢！

今晚高Ling怒摑張頴康花絮。

今晚高Ling怒摑張頴康花絮。

今晚高Ling怒摑張頴康花絮。

今晚高Ling怒摑張頴康花絮。

今晚高Ling怒摑張頴康花絮。

今晚高Ling怒摑張頴康花絮。

成功洗底！張頴康「渣男」升呢「喜劇擔當」
到正式埋位，高Ling毫不猶豫連環瘋狂力摑張頴康，令張頴康「面形都變埋」兼失晒身位之餘，現場更清楚聽到啪啪聲，難怪張頴康事後「紅都面晒」，就連起初決心摑爆渣男的高Ling也一度心痛「呵番」，張頴康則扁住嘴笑言要返屋企，十分搞笑。戲內幽默好玩的張頴康，隨著《夫妻》劇情發展也愈來愈搞笑，更成功撇甩「渣男」招牌，成為劇中最重要「搞笑擔當」！昨晚張頴康與「媽咪」林漪娸上演的「母子同心榨壓」郭柏妍場口，二人夠晒格衰的同時亦極爆笑。事緣郭柏妍為行伯母政策、拎齊厚禮衝上Mark家做煮婦，林漪娸亦本著「食得唔好嘥」精神，一副貪婪得米樣著阿仔「屈就」：「有燕窩、花膠、鮑魚做禮物喎，你唔係唔畀人入嚟煮飯呀？」、「你當佢到會咪得咯」、「呢啲𡃁妹有幾多錢啫，兩吓乾塘啦！」

呢場食飯戲，漪娸姐啲Cheap精貪婪嘴面真係世界級。 張頴康啲極級喜感表情亦應記一功。

張頴康啲極級喜感表情亦應記一功。

林漪娸榨壓郭柏妍引網民共鳴：終於有劇把衰奶奶的嘴面拍得這麼到位
之後同枱食飯戲更是搞笑，擺到明一心食好嘢的母子二人，面對郭柏妍瘋狂「相機食先」已一面不耐煩，但又要忍住不能太外露；當二人終於等到將期待已久的鮑魚隊入口時，郭柏妍竟要求二人「回吐」讓她拍照，二人「沒好氣」的反眼式對望＋藐嘴樣極有喜感！場口成功引發網民共鳴：「有賤子必有賤母」，更有網民搞笑留言：「碟餸好慘」、「呢場戲真係堅好笑」、「渣男都成功洗底」、「終於有劇把衰奶奶的嘴面拍得這麼到位」。

其實張頴康與林漪娸這對「Cheap精母子」確實火花十足，張頴康更將「媽寶」這個身份演繹到入型入格。無論是昨晚拎起一對「殭屍手」詐嬌，聲稱自己「手抽筋」要媽咪幫手洗手一幕；或是今晚托晒林漪娸大腳上演的「孝子捽腳」場口，都突顯了二人的默契，難怪這對母子衰得嚟依然大受歡迎。

由無綫與優酷聯合出品，鍾澍佳總監製，黃國輝監製，梁敏華總編劇的輕鬆愛情小品劇《宏利保險呈獻：夫妻的博弈》，逢周一至周五晚翡翠台8點半播映，由高海寧、馬國明、何廣沛、郭柏妍、黃智賢、陳曉華、張頴康、游嘉欣及鄧智堅主演。

呢場戲真係好難做，尊敬！

呢場戲真係好難做，尊敬！

呢場戲真係好難做，尊敬！

昨晚（8月19日）一集《夫妻的博弈》，除了張頴康與林漪娸這對Cheap精母子，陳熹潼飾演的「豪門醉酒怨婦」Canny也極搶戲。因「政治婚姻」嫁給Titan的Canny，與老公「名存實亡」，還要被迫人前扮恩愛，由於內心淒苦但又不可對人言，陳熹潼每次出場都是昏醉又鬱悶的狀態，相當考演技。昨晚，Canny因知道被Titan利用離間Aiden與Quinn，遂趁酒醉在車廂中與Titan攤牌，陳熹潼Rachel在三分鐘的場口中，先後展現了貌合神離、挑釁、憤怒、不屑、忟憎、啼笑皆非、失控、嘲諷（自嘲兼狂寸老公）等多元複雜情緒；當中尤以空洞地自稱很開心、還失心瘋一樣的喪笑至手舞足蹈兼青筋暴現的場口，完全將角色的自我放棄，及自覺人生是鬧劇一場的心態演繹得淋漓盡致，極具感染力！網民亦留言大讚Rachel將Canny求愛不得的苦演繹得淋漓盡致又細膩：「好有情緒，但又唔誇張」、「呢場醉酒戲真係有啲料到，火喉掌握得宜」、「演活了對生活失望後瘋瘋癲癲的遊離感。」

完全感受到Canny嘅苦況。

完全感受到Canny嘅苦況。

完全感受到Canny嘅苦況。

完全感受到Canny嘅苦況。

親證患支氣管擴張症
劇中Rachel將Canny的「醉酒失意感」演繹得入木三分，但原來現實中的Rachel滴酒不沾，Rachel受訪時透露因患有支氣管擴張症，無論喝酒、吃辣、或是感冒都容易出現咳血情況，故劇中如此像真的醉酒場口，Rachel只能靠回憶及日常觀察來演繹：「之前讀演藝時，我有同啲同學試過飲酒Chill吓，之後都完全冇掂酒。有段時間都唔記得咗醉酒嘅感覺，直到咁啱有次劇集慶功宴，有個演員飲醉咗好得意，我就記住咗佢當時個狀態，再模仿番佢。」談到角色長期苦口苦面兼永遠似是有苦說不出，演藝出身的Rachel坦言也是靠觀察揣摩演繹的感覺：「因為我鍾意觀察人，都見過有啲貌合神離嘅夫妻，一方面要維持另一半嘅面子，但同時又忍唔住單打同反白眼…我有個習慣，見到好人性嘅嘢我會去記住，然後就對住鏡去模仿番佢哋。」

Canny Titan呢條夫妻線，令人印象深刻。

Rachel還指Canny這個角色雖然苦，但卻讓她演得很開心，除了因為是一個好角色之餘，亦因為整個拍攝團隊都很有愛：「我好開心，所有工作人員都好warm，未試過咁warm。特別呢場戲，Ben哥（黃智賢）同導演唔想我咁大壓力，喺現場猛咁安慰我唔好死記台辭、叫我順住醉酒嘅情緒去講，就會自然好多，亦令我有更多自由發揮嘅空間，Ben哥仲提我可以除鞋，咁樣會舒服啲」、「同埋因為我除咗鞋之後要赤腳行幾步，監製驚我整親腳，專登Hold住場戲叫工作人員買絲襪畀我著，仲話佢哋責任係要保護演員；我又記得拍嗰時好凍，一停機女導演即刻衝埋嚟用件褸包住我，佢哋真係好有愛。」