*

日日放流料 志在亂軍心

特首選戰就快埋尾,電視辯論同選委提問,無乜好大火花,臨尾有少少悶局之際,近日卻天天有「勁」料。

 

前兩日先有海外媒體指接獲「中南海知情人士」消息,指情報部門密集向習主席報告,話習主席不肯就特首選舉表態,但唔想香港亂,指示票源轉向支持曾俊華,仲話中方評估曾俊華勝算在65%以上。

 

今早就有本地報章,引述獲得「可靠消息」,再指習主席在特首選舉中,沒有欽點任何人做特首,由得3位候選人自己爭取選委支持。

 

到今晚更傳出中聯辦主任張曉明出了問題,兩會後未有露面。

 

不過,政壇高人話,呢啲消息流到唔流,只係用吓腦諗諗那些媒體平日走乜嘢路線,就知那些消息,信一成都雙目失明啦。

 

高人又叫大家睇睇,今日中聯辦網站有段消息,話張曉明對消防員邱少明因公殉職表達哀悼。唔好去信那些作家作的故仔。

 

高人話,在選舉期間不斷有人放出「兩個中央」的講法,到最後這幾天,更是密集式亂噏,看來是有部署地放出流料,志在影響選委軍心。不過相信選委都係成年人,唔會傻到咁,會信呢啲鬼話。

 

特首候選人還包括林鄭月娥及胡國興。

政海探密_王惟微

** 博客文章文責自負,不代表本公司立場 **