昨晚終有時間睇飛機師議員的搭高鐵福田到廣州的測試片段，記得幾年前蘋果記者都已有同樣的行程測試，當時測試出來的結果要四小時，而家飛機師測出來，我粗略計應係兩個多小時。說明幾年時間，有進步左。
我係經常有搭高鐵的，所以有幾點不吐不快，更唔係果d搭一次都去判斷及下結果的。
一）問題係這種測試行程有乜意義，套用現在的話叫離地，試問一個出差的人，事前知道約人的目的地係廣州東，咁搭去廣州南托咩？我等小市民每次出差，事前功夫要做㗎，時間同差旅費都要計下數的，唔係咁離地亂跑亂使。
二）另外，中國的高鐵世界內，有提速這樣野的，現時行的和諧號基本設計係時速300幾公里，但只行200至250公里，新的覆興號係400+, 現時京滬高鐵已開始在運行，並已提速行緊350公里，所以用而家的想法套用到未來預左永不進步又係一個問題。
三）致於話廣州南係鄉下地方，又係沒預到要進步發展的問題，現在很多大城市都提緊規劃緊城市群的概念，由於現時廣州市區已負荷過重，很多重心要外移，未來要廣州番禺佛山會連成一線，廣州南會係未來的中心地附近了。深圳都有同樣咁的問題也已不斷向外圍發展。
四）再講，身邊很多朋友為例，他們的目的地已不在只局限在廣州咁近了，所以未來高鐵係連上國內的八橫八縱高鐵網，甚至連至歐洲，現在貨櫃船到歐洲可能要成廿幾三十日，未來可能十幾廿日就到，足足少左成星期。
五）技術性問題，用回鄉証買票，現在很少排隊買了，會網上訂再去高鐵站窗口排隊換。但，來緊，應可以不需再窗口換，可以好似二代身份證咁係機度換票，有二百幾個站開始會更新系統，可電腦購票換票了，不需窗口排隊。
六）未來在香港搭兩個小時高鐵，下車後用廣東話已行唔通了。
百祥講股
** 博客文章文責自負,不代表本公司立場 **