*

upload_article_image

港航貴賓室好正 票價有競爭力

Sebastian最近搭飛機返大陸,試吓坐港航的商務客位,亦首次享用佢地在香港機場的貴賓室,發覺服務一流。好多人誤會咗香港航空是一間廉航,其實佢係一間全服務的航空公司,亦都有商務位、有貴賓室。

 

當日係早上飛,所以係貴賓室坐咗一陣,發現佢地原來可以落柯打叫煎蛋,就煎咗兩隻太陽蛋加豉油,呢種煎蛋服務,我去勻其他航空公司的貴賓室都唔係咁多有。

 

港航貴賓室相當唔錯

港航貴賓室相當唔錯

煎蛋早餐貼心

煎蛋早餐貼心

 

在港航貴賓室仲發現一個好玩之處,就係佢地搜羅番來的舊磅。呢種磅入個毫子入去就可以磅重,佢會跌番張印好的磅重咭出來。呢啲真係香港的懷舊感覺,想當年細細個去睇戲時,就係俾5毫子用呢啲磅重機磅重。港航貴賓室有個咁好玩的懷舊磅,足證佢地重視服務細節。

 

 懷舊磅重拾童年回憶

懷舊磅重拾童年回憶

「磅重咭」後生少少都未見過

「磅重咭」後生少少都未見過

 

原來港航都非常注重各方面的服務,例如見到香港人外遊時是一家大細,但如果帶埋細路仔去服務櫃枱排隊等check-in,好似好唔方便,所以特別整出家庭的check-in櫃位。聞說呢個服務推出後,亦都大受歡迎。

 

另外據港航中人講起,原來唔少人搭飛機會將件樂器攞去寄艙,但好多機場搬運工人即使你掛咗易碎啲牌,佢地都唔理,將啲行李拋來拋去,搞到寄運樂器好容易爛。港航就諗咗條蹺,專登訂製有保護性的鋁箱,客戶要寄樂器,就專門放在這些鋁箱入面,就令到寄運樂器既安全又方便。

 

 新貴賓室即將啟用

新貴賓室即將啟用

貴賓室內旅客可使用蘋果電腦

貴賓室內旅客可使用蘋果電腦

 

港航在香港市場的份額愈來愈大,最近就正在擴建貴賓室及不斷增加長途航線的服務。現有貴賓室5000呎,新貴賓室就大一倍有1萬呎,預計好快在9月就會投入服務。而新飛去溫哥華的航線聽聞好爆滿,原因亦都好簡單,港航的商務客位票價兩萬幾蚊,對手要四萬幾蚊,剩係價錢都便宜了一大截,港航亦都有良好服務,自然吸引咗好多旅客改搭港航。

 

隨著港航的長途航線逐步開通,例如今年稍後將來會飛洛杉磯、明年會飛倫敦,相信港航在長途國際線上,競爭力會愈來愈強。

Sebastian

** 博客文章文責自負,不代表本公司立場 **