「神奇小子」曹星如周六獲得22連勝,令全城興奮!主角Rex當晚更興奮將拳套拋給現場觀眾,但原來該對拳套打算用作抽獎,香港寬頻職員事後在台下收回拳套,不過處理手法則遭人咎病被批「小家」:「問人拎返好似唔係咁好喎!」
直播賽事的香港寬頻發文談及當日的經過:「當我哋目擊Rex掉走咗對拳套嗰刻,我哋都畀佢呢下忘我嘅moment嚇到一額汗」,又指向台下取得拳套的師兄師姐「講聲唔好意思」,亦多謝他們願意交回拳套。
不過,處理手法則被批評「小家」,有網民更表明「老虎蟹都唔俾番你」,認為若對方願意交還拳套便應給予其他補償,「送返個親筆簽名俾人啦!」另有網民留言指,拳套被人收回且沒有其他東西作補償,言語間帶點不滿。
而正在養傷的Rex則看到網民討論後發帖文,向香港寬頻致歉「我唔知道個拳套原來係要拎嚟抽獎,sorry呀!」