廢物再利用！牛牛放屁含甲烷可用來生火，近日又有人研究出淨化牛糞成清純健康嘅食水。有企業就看準商機，決定好好應用這項技術，於今年底推出一台機器專門生產「牛糞水」，有助紓緩乾旱地區水源問題。
圖片來源：MSU
美國密歇根州大學一班研究人員用了十年時間研究出「營養分離」技術（McLanahan Nutrient Separation System），經過「空氣脫吸技術」（air stripping）令細菌在缺乏氧氣的環境下進行生物降解，再經「超過濾」（ultra-filtration）和「逆滲透」（reverse osmosis），就可以將牛糞變成供家畜飲用的淨水。
圖片來源：MSU
除了牛牛自己痾出嚟嘅都飲得返外，淨化過程亦會產生大量營養物用作堆肥之用，同時又會產生沼氣用作燃料，一舉三得，非常環保。
據了解，目前用兩份「新鮮」牛糞就可以淨化出一份淨化水；而一隻牛平均一年可以生產38,000公升牛糞。換句話說，一隻牛每年可以貢獻19,000公升水再用，剛好可以裝滿呢個缸：
呢個缸容量約是1.9萬公升（圖片來源：heavycherry）
研究員表示，全球暖化令大量農地出現乾旱，用牛糞水灌溉農作物便可紓緩旱災，穩定農作物供應。而且用「營養分離」產生的營養物堆肥，可以大量減少阿摩尼亞揮發，對環境同健康都有益。
圖片來源：MSU
美國一間農業機械公司已決定為利用此技術，為牧牛業製造糞便淨化器，預計今年底就會推出。要挨過旱季，日後可以牛牛啦，口渴起嚟至少都有水飲，就睇你敢唔敢。
