WhatsApp昨宣布正式推出「回收訊息功能」，發送後七分鐘內可以刪除訊息，令用家歡喜若狂，大呼「終於等到了！」但「回收訊息功能」在香港大部份機種都未開通。反而最新的更新，因為WhatsApp原來釋出了最新版的Emoji，全部變成立體3D，連「喊喊樣」、「驚嚇樣」、「男仔女仔樣」都變種，大批WhatsApp用戶洗版直斥「好核突，還我舊版emoji」、「呼籲未更新嘅人千祈唔好更」，甚至大罵「真係好樣衰 你地（哋）有冇啲自知自明？」
Emoji系列大改變。
新emoji災難對於用戶來說，可謂「一啖砂糖一啖屎」，「回收訊息功能」宣布推出，但同時轉Emoji。新版Emoji將所有公仔都變成3D，但用戶都有點名批評有數個emoji「核突到不能接受」，例如平日用開「扮乖舉手男仔女仔樣」，忽然間男仔藍色衫轉紫色衫，女仔紫色衫轉淺綠色衫，有用戶留言「有幾個男仔emoji變左着粉紫色衫，咩事丫」。另外平日用開嘅「驚嚇樣」原本係嚇到無眼珠，但新版有眼珠。
新版EMOJI。
不少網民到Google Play留言大罵，更有人衝着設計者而來，「邊個設計師咁失敗？佢番得鄉下。改到emoji咁叫人點用得落，見到都感到嘔心，再唔改等收一星」、「emoji啲design越黎越核突，係都要將佢變3D，又要design得樣衰，可以考慮下換過個designer」、「還我長髮少女啊～～～ 這次emoji 太醜了吧！設計師的眼睛去哪了？想變立體也不是這樣吧！」
有人指新Emoji「好樣衰」。
也有用戶尤如崩潰一樣控訴，揚言留一星再刪WhatsApp，「外表醜陋之餘欠缺內涵，不堪入目，令人睇到之後無法安寢，心情受到困擾，敬希自我反省，重新換翻舊有emoji」、「完全不能接受！用whatsapp也是為了emoji而已。用的意義完全滅了！！！！！」、「更新左之後嘅emoji真係好樣衰 你地有冇啲自知自明？唔該快啲搞番掂佢」。
用家負評如潮。
