*

upload_article_image

「拖鞋風波」後退出微博 關淑怡素顏出關掃貨

Shirley似乎心情大靚,未有受「拖鞋風波」影響。

51歲的關淑怡(Shirley)上月宣布回歸環球唱片懷抱,出新碟之餘又會參與9月的陳百強紀念騷。一切看似美好,但日Shirley前因捲入因開名批評內地藝人胡兵,指對方的「拖鞋論」小家,隨即與胡兵粉絲隔岸開火,前日更嬲到宣布不再玩微博。

平日cool樣的關淑怡,當日心情不俗,試完手霜又替友人搽,笑到見牙不見眼。

本來笑笑口的Shirley下秒又突然黑面手指指,變臉快過揭書,認真難捉摸。

性格飄忽嘅關淑怡,去年試過大鬧愉景灣酒店,結果被判罰款2,000元及留案底。日前,單親媽突然公開批評胡兵,慘遭「胡粉」網上攻擊及被胡兵Unfriend。慘被圍剿,加上疑似工作上有不快,Shirley日前有感而發在社交網留言:「不想回香港。我問心無愧!已盡力!我是人,不能mode出來。已沒有靈魂了,死貓食咗好多啦。」 前日更索性不再玩微博,遠離是非地。

內地藝人胡兵早前發表「拖鞋論」,指自己入住某集團式酒店超過1380日,但酒店的拖鞋卻不及四季酒店的舒適,因而感到失望。

Shirley轉發了胡兵的帖文,批評對方行為小家,自以為了不起,有損形象,因而遭胡兵粉絲砲轟。

放下包袱,Shirley一身輕晒出關shopping。日前晚上7時,零妝Shirley五官不見了一半,以一身運動服及戴上頭帶現身銅鑼灣時代廣場。貼身褲下,臀部厚肉,看來要努力修修身。見她和公司女同事在一間瑞典品牌beauty店揀手霜,齊齊試tester,搽上手背仔細聞,非常enjoy。試了幾隻花味hand cream後找到心水,就一口氣買夠一堆,然後再揀面霜、香水等,大手入貨發洩心情。最後同助手陪同下出門登上七人車離開。

Shirley將會在9月的陳百強紀念騷上演出,亦會製作新專輯。