硬碰硬!
落選港姐工藤佑采日前遭監製何小慧大爆排舞態度差,兼且落選後拒絕伴舞,工藤佑采在社交網站大呻一周要學4種舞為自己平反,師姐黃心穎透露當年參選,每隔2日便要學一些新東西更辛苦,「做人要對得住自己」,如果事件屬實,心穎對她徹底失望;而工藤佑采隨即在社交網站點名還擊,更說心穎是博見報!
工藤佑采看到心穎對她的評價後,隨即在Instagram反擊,更指名道姓說:「黃心穎,我幾時有講過話比賽辛苦不滿意?從頭到尾,比賽完咗,我都無講過!喺直到小器方丈公開抹黑我,我先至出聲,都係講緊佢哋抹黑我,而不是說比賽辛苦,既然你哋要屈我,我都唔排除將來會講吓比賽嘅事,你堂堂三甲香港小姐,連閱讀理解都唔識?真係叻豬!」
之後還教授心穎向傳媒回應心得:「黃小姐,你唔使咁護主心切喎!我如果係你接受訪問,就會話無留意,無回應啦!因為支持唔支持都係死路一條!順得哥情失嫂意!你成功咗啦,成為咗第一個我會喺網上公開講嘅人,方丈唔算數,因為方丈唔係一個人,你嘅行為真係表現到你係幾咁美貌與智慧並重,其實你係咪好耐無見報?所以要出嚟話一下我?咁我好支持你繼續話,千祈唔好停, 咁我哋就可以一齊見報,好多謝你咁留意我喎!」
而心穎其後回覆說:「我唔想多回應。I stand on my ground,尊重個舞台,尊重自己。我唔需要靠佢博見報,更唔想同佢再扯上任何關係。」