陳凱欣緊貼風災 劉小麗打風蛇十幾個鐘先至醒

打風在家無嘢做，朝早突然諗起，究竟玩政治班人打風做緊乜? 11月就補選，就去兩大疑似候選人的facebook睇睇，又真係發現兩人有好大分別。

劉小麗早上唔知係唔係瞓咗，她的「小麗民主教室」專頁今早一直無出貼，往前一看，對上一個貼子係半夜，只係講多謝義工幫佢修補橫額，同打風無關。再前一個貼子總算和打風沾上邊，係昨日中午轉發一段「山竹來了，核電站點算」的新聞，但政治色彩都好濃，和市民關心的「山竹」一啲關係都無。

零晨山竹打到來掛8號風波時，劉小麗只係關心佢自己的橫額。

劉小麗作為會參加補選的政治人物，又話經常落區，今日早上成朝，全城話題都係個風，佢竟然一個貼子都無出，等小鯊等咗半日，入去幾次都唔見佢有嘢睇，零貼子，谷鬼氣，只能講一句話:「今時今日咁樣服務態度唔得啦。」

零晨掛8號波時陳凱欣已出貼

去陳凱欣個facebook專頁睇睇，佢真係勤力過議員，昨日上午11點幾開始提醒市民防風，昨晚又出貼子講庇護中心，然後零晨1:10分都唔瞓，掛8號波即時出貼，然後掛9號波、10號波時一路跟貼，早上個風最得人驚，吹到間樓係咁搖時，佢亦出貼子講災情，根本和市民關心的事情同步。直到下午之前，陳凱欣和劉小麗的facebook相比，可以講係10比0。

陳凱欣一直出貼跟貼風災

到下午2時後，劉小麗先至瞓醒開始出貼，兩人差不多同一時間講教育， 陳凱欣話「明天應停課善後」，而唔知係唔係教協叫醒咗劉小麗，她也開始轉發教協呼籲停課的貼子，這才是她今天第一隻貼子，也是第一隻講風災的貼子，這已是掛8號波13小時之後。

劉小麗今日下午2時許才發第一隻貼子，轉發教協的停課呼籲。

之後劉小麗也只是很hea那樣發多一兩隻貼子，轉發新聞叫市民小心，轉發教協報告政府停課的決定，只是講一言半語的引言。

陳凱欣也在晚上更換了專頁封面相片，祝福風災後的香港。

相對地陳凱欣後續的貼子認真很多，講起各區的交通嚴重受阻，希望僱主理解交通及市面情況，作出適當調配，調整上班時間，甚至讓打工仔停工一天。她的後續跟進，講到市民關心的話題。

如果小鯊唔係打風在家無事做，就不會發現劉小麗打風蛇足十幾個鐘的狀況。但未選已經係咁，都唔關心市民關心的問題，又唔付出超常的努力，真係揀唔落手噃。

小鯊

** 博客文章文責自負,不代表本公司立場 **

陳凱欣認為，今次事件是個警號，值得關注，當局與醫藥界應作出分析和跟進，並提醒市民有何地方要注意。

日前小林製藥高層就事件道歉。 AP資料圖片

日本小林製藥紅麴保健品安全風波擴大，當地至少有兩人在服用後死亡。立法會衞生事務委員會主席陳凱欣認為，今次事件是個警號，值得關注，當局與醫藥界應作出分析和跟進，並提醒市民有何地方要注意。

立法會衞生事務委員會主席陳凱欣 (資料圖片)

陳凱欣在港台節目《千禧年代》說，現時香港並無法例針對規管保健或營養食品，過去10多年，亦多次討論如何監管，但許多時涉及定義問題，包括何謂營養產品或補充劑。她認為可以為這類產品設立註冊或登記制度，但生產商可能每數個月便會推出新產品，可能包括不同聲稱功能等，因此的確有難度。但她相信，香港有足夠專家就法例要求作出定義。

陳凱欣又提到，網購難以規管，政府要加強網上查驗，至於市民從外地購買回港的問題，只能透過公眾教育，呼籲市民要留意。