Skip to Content Facebook Feature Image

林鄭好勞氣 話「用特首出氣無問題」

博客文章

林鄭好勞氣 話「用特首出氣無問題」
博客文章

博客文章

林鄭好勞氣 話「用特首出氣無問題」

2018年09月18日 19:34 最後更新:19:39

山竹遠離本港後,星期一的交通大混亂繼續係話題。特首林鄭今早出席行會前,繼續撐不叫停工的決定,話沒有方案考慮全面停工,亦無機制評估停工帶來的法律後果,強調她透過向僱主呼籲是有效方法。

林鄭的Facebook專頁好多「嬲嬲」

林鄭的Facebook專頁好多「嬲嬲」

被問到點睇有兩萬個網民在她的Facebook專頁俾「嬲嬲」,林鄭話,對於有巿民覺得政府做得不足,已表明政府會繼續努力,指自己「完全可以體會得到」。

這幅惡搞照相信林鄭都睇過

這幅惡搞照相信林鄭都睇過

原來她也睇過惡搞的相和短片,話自己完全可以體會巿民因為要在鐵路站等待多時、感到很徬徨,不知道有車還是無車搭的情況下,而感到很憤怒和不滿。佢跟著講:「咁所以喺咁的情形之下,攞特首嚟出吓氣,係無問題既,特首係可以俾人鬧嘅,但你話係咪因為咁而去做一啲無法律基礎、無做過對香港社會各行各業評估,亦唔知跟住後果係點樣的決定呢,恐怕呢個就唔係我認為行政長官一個負責任的做法,希望大家明白」。

政壇八卦友話,呢句「用特首出氣無問題」,都可以睇到林鄭有啲勞氣喎。但佢將市民對政府當日表達的不滿,好簡單地理解為搵佢出氣,又好似將對政府安排不善的合理批評,扭曲變成純粹意氣用事的發洩。

無論如何,政府都做咗啲嘢去善後,搵咗保安局局長李家超領導跨部門小組,檢視應對颱風的善後工作,期望10月召開首次會議。但八卦友又問嘢,點解係李家超呢? 善後最大問題係交通,點解唔見咗運輸及房屋局長陳帆呢? 要檢討為何不找政務司司長張建宗主理,咁咪可以睇晒各方面的問題囉。




Ariel

** 博客文章文責自負,不代表本公司立場 **

往下看更多文章

鼎鼎追問特首搞口岸購物區 當年政府話搞大橋經濟無曬影

2018年11月14日 15:43 最後更新:15:53

今天特首林鄭到立法會出席答問會,民建聯立法會議員周浩鼎問及港珠澳大橋開通後,旅客逼爆東涌的問題。

特首林鄭出席立法會答問大會

特首林鄭出席立法會答問大會

鼎鼎話好多內地旅客屬「到此一遊打咭團」,即日來去,他建議香港口岸儘快增設購物飲食配套設施,等旅客可以在口岸處購物飲食,不必一定湧去東涌,舒緩社區壓力。

特首林鄭回應表示,政府正向此方向做工作。

大家唔知記唔記得,在上一屆政府的時代,當時的特首梁振英一早提過搞大橋經濟,即係話在大橋口岸或者附近,搞大型商場同購物區,借大橋旅客,搞旺經濟。不過唔知點解,呢個建議只聞樓梯響,不見有人來,最後政府無搞,反而機場附近的Sky City就係咁起。政府好明顯係低估了大橋帶來的旅客人流,無汲取當年開放自由行旅客逼爆上水的教訓。

你 或 有 興 趣 的 文 章