杜德偉法國幫老婆影靚相 買衫仔賀AJ兩歲牛一

真心型！

杜德偉（Alex）日前獲邀到法國參與巴黎時裝周外，還為外地時尚雜誌拍攝封面故事；短短兩天遊走了巴黎多個景點攝影，並與有份拍攝的黃聖依一同晚飯。這兩天Alex除了成為鏡頭中的主角，鏡頭後眼見美景當前，更變成老婆的專屬攝影師，笑言：「啲景咁靚點可以唔影，啲相靚到當作係結婚6周年紀念相！」

網上圖片

男生常被女生批評攝影技巧，不過此行Alex謂：「靚人加靚景，又點會唔靚！老婆都應該滿意，佢不嬲對我嘅技術都有信心，咁我都覺得啲相係靚！因為去到拍攝嘅地方實在太靚，其中一個拍攝嘅古堡，真係望到都開心，要大啖吸多幾口好清爽既空氣！」

網上圖片

網上圖片

明日（2日）是囝囝AJ兩歲的生日，Alex坦言想在巴黎挑選生日禮物，說：「我覺得唔一定要買好貴好靚嘅名牌畀佢，最緊要合適，啱用就得！平日都鍾意幫佢襯衫，今次都會想買件衫仔畀做生日禮物，或者佢依家未必明白呢份心意，希望佢大個會感受到。」

網上圖片

回港後除為囝囝慶生，Alex亦要忙跟楊千嬅即場開騷作準備，說：「回到香港就要排練，10月3號就係show day，但近日忙其他工作未有時間襯衫，所以我在巴黎最後一日任務就係為個show搵衫，不過就算搵唔到唔擔心，因為屋企都有好多服裝可以襯到。」

網上圖片

網上圖片

杜德偉透露明年出道40周年，計劃有大搞作，並希望明年能夠在香港紅館攞到期舉行周年演唱會。

杜德偉（Alex）昨晚（3月19日）應邀出席慈善活動「保單捐贈音樂會──『若然世界沒忽略2024』」，Alex繼月初TVB博愛騷後，再一次現身公開活動演唱。Alex久未在港踏上舞台，故此歌迷這晚反應非常熱烈，而Alex在台上又大方自揭年齡，跟觀眾打成一片。即將在5月台北小巨蛋舉行巡唱的Alex，當然亦被追問何時回歸主場，Alex就笑言其實每日都在香港開唱，又透露明年出道40周年，計劃有大搞作，叫觀眾拭目以待。

Alex應邀出席慈善活動。

Alex透露明年出道40周年，計劃有大搞作。

Alex這晚在台上連唱三首經典情歌包括：《擦身情緣》、《無心傷害》及《Because I love you》，而慈善演唱會的台下觀眾遍布社會各不同年齡階層，但同樣被Alex歌聲吸引，大家都聽得非常投入，掌聲不斷，演唱中途Alex又發揮幽默本色，哄得台下歌迷歡喜，他笑言這天有機會跟自己母校師弟們聚舊：「聽講今日有好多我母校聖保羅書院的師弟到場，就算有好多師弟，年紀相差應該好遠，我1978年畢業，應該好多才90後畢業吧，時間過得好快，人生好快，一轉眼由20幾歲，好奇怪就已經到60歲。」

Alex在台上連唱三首經典情歌。

演唱中途不忘發揮幽默本色，哄得台下歌迷歡喜。

難得在香港公開場合演唱，故Alex甫上台，觀眾經已歡呼拍掌，Alex接受訪問時就表示欣喜獲大會邀請：「其實今次係第一次嚟到戲曲中心表演唱歌，感覺好新鮮，今次難得有呢個緣分出席慈善活動，既然機會去到我面前，我一定會參與，全力以赴﹗」

Alex表情第一次到戲曲中心表演唱歌，感覺好新鮮。

Alex過去一年走到新加坡、上海等內地城市舉行巡唱，下一站就會是5月到台北小巨蛋，香港歌迷都敲碗想問Alex何時回歸主場開騷，他就開玩笑說到：「其實我日日都喺香港開演唱會，自己屋企沖涼嘅時候，我就會開一場，哈哈。其實我係好希望能夠喺紅館開，明年就是入行40周年，香港係我事業生命嘅開始，所以希望明年能夠喺香港紅館攞到期，作為我40周年的世界巡迴演唱會第一站。」

Alex希望明年能夠在香港紅館攞到期，作為他40周年的世界巡迴演唱會第一站。

講到日前林志穎在社交平台，上載他們二人合照，牽起網民集體回憶，Alex就指跟對方經已認識超過30年，90年代初兩人並肩工作，當年他經常去到台灣做宣傳，而林志穎就會一盡地主之誼，及後二人各有自己事業和家庭，故多年來都鮮有見面：「我哋最近喺內地嘅一個工作度見返面啦，好感動嗰個感覺，即係大家一見到面時候，大家攬住都講唔到嘢，既陌生又熟悉嘅感覺，唔係十年人事幾翻身，係二十年人事多翻身啊，大家好似無分開過，仲係當年嘅好兄弟好朋友，呢種感覺唔係成日都有。」

林志穎日前在社交平台分享與Alex的合照。

Alex指二人經已認識超過30年。

雖然多年來都鮮有見面，但一見面熟悉的感覺沒有變。