*

首合作音樂會 楊千嬅杜德偉大講湊仔經

千嬅和Alex都是廿四孝父母!

楊千嬅與杜德偉(Alex)昨晚(3日)於亞洲國際博覽館舉行《AIA主辦楊千嬅杜德偉音樂會》,全場坐無虛席。千嬅與Alex首次合作大型表演項目,得到觀眾熱捧,狂喊安歌不肯離去,令二人都表示十分開心,Alex更謂其實這個騷大家喜歡的話,可以用作巡迴世界,還可以搬去紅館再做。

楊千嬅與杜德偉首次合作大型表演項目。

音樂會全場坐無虛席,觀眾狂喊安歌不肯離去。

為了這個騷,Alex特登在演唱會之前飛去巴黎買衫,雖然囝囝演出當晚沒有來,但總綵排時就有來捧場,「總綵排個日係佢兩歲生日,媽咪帶左佢來同我係後台砌蛋糕,我係台上面仲唱左happy birthday to you比佢聽,佢係第一次見到Daddy係台上面唱歌,我見佢好認真咁望住我同聽呀,聽完仲識得開心拍手掌。我突登拍低片,等佢第日大個可以睇番,記得番Daddy,媽咪幾錫佢囉。我老婆就話生日禮物好緊要,決定每年買一兩金送比佢,咁等佢十八歲佢就有十八兩金。」

Alex特登在演唱會之前飛去巴黎買衫。

Alex的囝囝在總綵排時就有去捧場。

旁邊的千嬅聽到就不停話「真係好sweet呀!」又搶白說:「小朋友生日禮物真係唔可以漏架,漏左佢會同你計,追番你。哈哈,我個仔細個都收到屋企老人家送過金,我就同佢買左十份八份保險,咁同儲金都差唔多架啦,哈哈。」

千嬅笑言幫囝囝買了十份八份保險。

網上圖片

說到唱歌Alex是師兄,但湊仔千嬅就應該是師姐,千嬅表示:「我湊多佢幾年,經驗多一些,所以我地約食飯都係傾湊仔經傾唔停口啦,我個人就覺得湊仔同女真係方法不一樣,仔真係唔使好保護,反而要俾多d 自由空間佢自己去發揮,有問題等佢自己去承擔去解決,咁先至令佢地成長,我以前都幾保護囝囝,佢入左國際學校之後,我便開始學會『放手』,依家學校發生咩事,老師會同我講,但係我就唔會過問,由得個仔自己去面對囉。等佢學識點樣解決問題。」Alex則表示囝囝還小,現在要由他保護,最緊要健康,等囝囝長大讀書才放手等他自由發揮。

Alex表示等囝囝長大讀書才放手等他自由發揮。

杜德偉

楊千嬅