黃榕失戀做運動療情傷否認因逼婚失敗

娛圈事

黃榕失戀做運動療情傷否認因逼婚失敗

2018年10月05日 09:57 最後更新：09:58

話唔定做運動都識到男朋友！

黃榕和尹蓁晞出席月刊周年派對時，身穿桃紅色服裝現身的黃榕自爆失戀，雖然拍拖兩年的男友指她是好女生，不過分手理由是不想結婚，但不涉及第三者。她說：「今次我着桃紅色衫谷桃花，我無迫逼婚，但之前在節目講過視他為結婚對象。」她表示，現時做運動療情傷，將淚化為汗水。雖然朋友想介紹男生她認識，但她尚未準備好心情，所以中秋節獨自渡過，又指以前喜歡跟小鮮肉拍拖，但現在想認識年紀大又愛錫她的男生。

往下看更多文章

鄭世豪曾收「Eason」明星卡做聖誕禮物阿儀怨黃榕令自己冇異性埋身

2023年12月24日 20:00 最後更新：20:26

阿儀話同黃榕一齊啲人望都唔望佢。

由樂力文創有限公司主辦，Yes Station合辦首個小型音樂派對《Yes Station Christmas Party 》日前順利完成，多位歌手藝人朋友出席，包括：賴映彤（彤彤）、鄭世豪、胡樂彤Melody、施詠輝（大輝S.W.F）、王嘉莉Kelly 、姜珈欣 Nara、黎靜彤Lily、阿儀、黃榕、葉小妍、鍾雨璇O3、高晉、陳彥熹Philip 、梁詠祈Winky、朱紫嬈、神奇膠、Be Free (BF3)、Edward@Canband 、All For One，神秘嘉賓 SoulJase@c allstar、龔柯允Karen、鄧禮迪（迪迪仔）、Mr.Jan、中年好聲音2冠軍黑馬劉可驚喜現身遊戲及交換聖誕禮物環節！

早前黃榕預告送性感內衣，祝好姊妹阿儀早日脫單，呢日阿儀就話對方亂講，仲爆對方成日分享騷身材：「佢成日都話舊時有D Cup嘛，又話健身搞到縮水，我都唔知佢講乜，費事同佢講！依家我經濟環境都OK嘅，梗係想搵多啲錢，拍拖就唔諗啦，同黃榕一齊啲人望都唔望我㗎啦。」

黃榕就反指對方恨拍拖，仲話對方成日問拍拖嘅問題：「我地有時都會講啲拍拖嘅題目，佢會好興奮咁問問題，證明佢都想有愛情降臨嘅，只係佢未有信心去接觸男人，到佢有信心、識打扮就有機會。」

呢日活動一眾歌手非常投入，不顧形象與粉絲玩遊戲，其中「爭凳仔」環節更有Fans激動坐「細龍生」鄭世豪大脾添！世豪就話唔介意，與Fans一直情如家人，希望與大家盡興共度聖誕：「唔好以為我地啲Fans好靜，佢地癲地上嚟好瘋狂㗎，我其實都好多年冇參加呢類Party，可能有小朋友參加，所以非常健康，真係有童年回憶。以前讀書交換禮物成日都抽到啲水杯，最記得有人攞張陳奕迅嘅簽名明星卡嚟，仲話係真跡，令我開心足幾晚，後尾先發現係同學自己簽上去。」