貓奴：主子，放完電未？
有養貓的朋友都清楚「主子」鐘意爬高爬低，屋企無任何東西可以阻擋貓貓無窮精力。有網民就在社交群組「天下貓貓一樣貓」上載主子一張「練武」照。見到「小白」一隻腳勾住冷氣機外殼，雙手攀附住牆壁一條索帶。網民寫有：「玩單槓，邊個夠我勁？」， 網民仲話貓貓係「過度活躍的」。
照片在facebook群組一出，隨即引爆笑彈，唔少人都讚「小白」難得一身好本領：「佢的輕功好勁厲害厲害」，「原來係體操女將。失敬失敬」。更有人話「小白」夠百厭可以去做特務貓。有人仲話係颱風「山竹」過後「整冷氣」。
貓主人之後上載一張1個月前的相，見到「小白」個陣仲好細個，邊會想到會咁精力旺盛。
網上圖片