*

upload_article_image

7個月走6個同事 連登仔辭職遭HR威嚇再挽留

這種公司不宜久留……

不少打工仔都會「跳槽」轉換新工作環境,不過有網民就在討論區發帖抱怨,指自己遞交完辭職信後,竟被人事部主管先威嚇、再挽留,批評公司留人手法並非提升福利,而是「斷人後路」。

樓主在連登討論區發文,稱自己在在工程公司任職約7個月,期間吃了6次散水餅,「上司都換咗2個而家跟緊第3個上司」。他批評公司運作混亂,工資低,沒法留住人才,同事年資最深的亦只有一年半,因此自己思前想後決定辭職。

網上圖片

惟當樓主交完辭職信後,隨即被人事部主管「召見」,對方先訴說公司苦況,「又話市淡,又話人工已經係咁上下」,其後開始數落樓主工作未滿一年就離開,「唔夠忠誠」,更威嚇樓主以這種履歷很難尋覓工作,甚至連面試機會也沒有。人事部主管數落樓主後,態度又突然「180度大變」,「踩完我,轉個頭又係問返會唔會考慮繼續做,心諗你哋識唔識留人架」。

設計圖片

設計圖片

樓主批評,「做hr做到咁,好難睇」,直言即使有員工會因此留下,作為下屬對間公司亦不會有好印象。他又憶述,曾有同事辭職後被老闆得知其去向,老闆竟向上司表示「想唔想留住佢?」、「我識人,只要打個電話,間公司就唔會請佢」。樓主指,事件令他感到震驚,斥「留人唔係提升福利,係斷人後路」。

設計圖片

事件引發熱論,不少網民留言支持樓主,「啲人係咁走,hr會好麻煩先大X你」、「千其唔好畀人知去邊間」。