*

upload_article_image

生腎石暴瘦兼住院 陳貝兒看中醫保命

希望Janis可以早日康復。

陳貝兒(網上圖片)

無綫節目《嫁到這世界邊端2》的主持陳貝兒(Janis)回復單身一年,寄情工作的她甚至忙到病!Janis在7月赴歐洲多國拍攝《嫁2》時,已在土耳其中暑,日前又生腎石劇痛入院,兼且狂咳兩星期。8日下午,暴瘦的Janis獨自去佐敦看中醫「急救」保命。

日前Janis生腎石劇痛入院。(網上圖片)

當日下午3時,身形單薄的Janis戴着太陽眼鏡,穿着乾濕外套,現身佐敦一棟舊樓看中醫,一臉病容的她掩住咀不斷咳。不少候診病人都認出她,忍唔住上前問候,叫她好好保重身體。醫師為她把完脈後,嚴肅地說了幾句,Janis聽完都不停點頭。其後她拿着一大袋中藥離開,再匆匆忙忙坐地鐵過海。據知,自從Janis健康亮起紅燈後,便中西醫雙管齊下,希望盡快痊癒。

周一(8日)Janis戴着太陽眼鏡,穿着乾濕外套,現身佐敦一棟舊樓看中醫,一臉病容的她掩住咀不斷咳。

醫師為Janis把完脈後,嚴肅地說了幾句,她聽完都不停點頭。

事後問到她的病情,她就輕鬆說:「我ok,只係呢期特別多事,不過都好多謝大家嘅關心,只係呢排轉天氣導致氣管敏感咳啫,之前生腎石入院時有檢查身體,報告正常,西醫話我飲水唔夠,所以聽埋醫師意見,話我飲水、休息都唔夠,搞到氣虛血弱,叮囑我要多休息,食清淡啲。其實壓力大都係病因,因為第一集節目受歡迎,希望《嫁2》仍然感動到觀眾,好彩睇到網民反應不俗,有男觀眾話以為自己無咗淚腺,點知睇完都被搞喊。」

網上圖片

現時Janis已處理好離婚手續,而且願意接受緣份安排:「都有朋友介紹我結識新朋友嘅,隨緣啦,我對緣份及愛情有信心,反正一個人狀態都開心,好享受呢個狀況,唔使顧及身邊人感受,包袱少咗,始終有段關係唔可以自私。不過最近連番『出事』,朋友取笑我係dry到病,哈!我唯有飲多啲水滋潤自己,大家都要記得每日飲兩公升水先足夠呀。」