江美儀擺紅陣催旺桃花　出動80萬波子載猛男！

江美儀好紅啊，個造型。

47歲超好戲嘅江美儀，月初接受本報獨家訪問時，自爆與拍拖11年嘅君如胞弟吳君祥因「步伐開始不一致，相信緣份已盡」分手兩年，其後前度父親冬叔(夏春秋)篤爆兩人早於06已年喺西雅圖註冊結婚，美儀嘅婚書亦隨即曝光。分手變離婚，失婚美儀表示現時單身但「都想有新戀情！」近日就被記者發現佢出動80萬波子接載監製陳維冠。日前晚上，美儀跟方中信兩公婆等一班好友往中環九如坊飯局，見佢全程笑笑口表現風騷，不論座駕、車上擺設及上衣都係紅色，似乎佈晒陣催旺姻緣囉！

老闆吳啟明(圓圖)行埋方中信身後，講吓食經又吹水

同鮑姐(左)打對坐嘅美儀，不時與友人有講有笑。

江美儀與吳君祥(Vincent)05年拍拖，兩人一直表現恩愛，但近年不時傳出男方「偷食」，加上Vincent轉戰內地發展，「夫婦」分隔兩地，感情難再維繫。早前，美儀向本報承認二人已分手兩年，強調無第三者，只是感情變淡。事情一觸即發，分手，瞞婚、真相原來是離婚。

當年美儀和吳君祥拍拖無耐，就在西雅圖秘婚。

爆「瞞婚」幾日，美儀心情靚靚出席飯局，笑晒口打包埋美食走人。

日前晚上8時，無為「分訊」影響心情嘅美儀現身中環飯局。當晚見美儀和好友鮑起靜方平夫婦、方中信兩公婆等，一行十幾人約埋去中環九如坊嘅新派粵菜店「慢煮兩餐」。早前本報都影過修哥(胡楓)、黃百鳴和林文龍等先後幫襯過呢間店，主理人係退出娛圈多年、吳啟華胞兄吳啟明。當晚一班圈中幕前幕後好友齊齊去撐場，老闆吳啟明間中有行埋長枱講吓食經。方中信飲白酒食得開懷，美儀亦心情唔錯，面帶笑容邊食邊傾。

冬叔口快快踢爆阿仔已婚，美儀初時唔認，最終結婚紀錄顯示，二人06年3月喺西雅圖註冊結婚。

開心gathering兩小時，眾人步出分頭離開，美儀甫見記者即禮貌打招呼，見佢捧住兩個食物盒走人。記者上前採訪，問她心情好番未？她笑笑口回應：「無嘢嘞！真係OK呀！(有無怪冬叔？)無無無(不斷擰頭)，bye bye。」隨即上車走人。見美儀戴上紅色框眼鏡，15年以80萬元購入、本身是白色的座駕，近年就改噴為鮮紅色，而車廂內的吊飾熊仔、擺設等皆是紅色，實行全方位擺陣催運，似乎想快啲搵到第二春呢！

紅車、紅框眼鏡、紅公仔，全方位擺陣催運。

《一個好人》今晚（4月3日）播出最後一集，江美儀分別拜訪了義務為長者剪頭髮的傑仔（陳楚傑）、義務教授傷健人士潛水兼贊助裝備的Stephen（區紹堅）及義剪腳甲的貓姑娘（吳詠珊）。

傑仔從小獲祖母灌輸要樂於助人，作為髮型師的他利用專長技能、組織團隊為長者進行義剪服務，美儀認為「窮得只剩下錢，內裡卻是空」也沒意思：「傑哥好幸運，有嫲嫲由細灌輸錢唔係我哋所追求嘅嘢，所追求嘅係幫助一啲冇能力嘅人，呢種快樂唔可以用錢買到。」

傑仔從小獲嫲嫲灌輸要樂於助人。

傑仔從小獲嫲嫲灌輸要樂於助人。

美儀為長者義剪頭髮。

美儀為長者義剪頭髮。

美儀為長者義剪頭髮。

美儀與一眾義工合照。

潛水可讓傷健人士在水中的無重狀態有效鍛鍊肢體，潛水用品店老闆Stephen為國際傷健潛水協會（香港）名譽顧問，每月舉辦至少一次潛水訓練活動，除了擔任潛水教練，還為協會免費提供潛水裝備包括潛水氣瓶，讓傷健人士毋須負擔昂貴費用也能享受潛水樂趣，及體驗水底傷健共融的世界。美儀在節目中穿上full gear裝備，與傷健人士一起潛水，事後美儀感觸謂：「傷健人士同普通人潛水完全冇分別，佢哋有好多障礙困難都可以克服到，其實我哋有啲咩咁難呢？」

Stephen除咗教傷健人士潛水，仲為國際傷健潛水協會（香港）免費提供潛水裝備。

Stephen除咗教傷健人士潛水，仲為國際傷健潛水協會（香港）免費提供潛水裝備。

Stephen除咗教傷健人士潛水，仲為國際傷健潛水協會（香港）免費提供潛水裝備。

美儀親身落水，與傷健人士一同潛水享受共融世界。

美儀親身落水，與傷健人士一同潛水享受共融世界。

美儀親身落水，與傷健人士一同潛水享受共融世界。

美儀親身落水，與傷健人士一同潛水享受共融世界。

美儀親身落水，與傷健人士一同潛水享受共融世界。

香港殘奧運動員Wilson大讚Stephen細心體貼，每次跟佢出海都非常放心。

另外，原來不少長者因難以彎身、視力模糊未能自行修剪腳甲，導致發炎紅腫而寸步難行。善心美甲師「貓姑娘」因一次機緣巧合為90歲婆婆剪腳甲後，了解到社會上有不少獨居、隱蔽長者需要協助和關懷，2016年開始展開「義剪之路」，由起初與客人、同事一起義剪，直到現在每月定期與義工團隊舉辦義剪活動。回望數年前初辦義剪服務，貓姑娘透露曾遭社區中心拒絕，令她一度感到氣餒：「好記得個姑娘話『我唔會攞啲長者對腳畀你玩囉』，我哋成班都係專業嘅美甲師，亦真係抽私人時間去幫長者服務，我都唔明白。」

美甲師貓姑娘每月均為長者進行義剪腳甲服務。

美甲師貓姑娘每月均為長者進行義剪腳甲服務。

美甲師貓姑娘每月均為長者進行義剪腳甲服務。

美儀被貓姑娘嘅善心感染。

貓姑娘除了遇過感染灰甲的長者，最棘手試過見到一隻小昆蟲從腳甲裡走出來！疫情期間學懂修甲的美儀，將技能解鎖應用於是次義剪體驗中；其中一位長者因兒子忙於工作，至少3年沒有修剪腳甲，連碰一碰也感到疼痛，美儀細心為其打磨後分享感受：「你問我驚唔驚污糟，我真係驚㗎，其實好厭惡性呢件事。不過問題係，如果我哋都係咁諗嘅時候，咁呢班人點算呢？」她勸喻大家多關懷身邊長者，並鼓勵大家每天至少抽5分鐘時間陪伴。

聽到貓姑娘遇過小昆蟲喺腳甲走出嚟，江美儀大吃一驚！

江美儀聽到貓姑娘遇過小昆蟲從腳甲走出嚟，嚇到眼都凸埋！

美儀獻出義剪腳甲初體驗。

美儀為至少3年冇修剪腳甲嘅長者義剪。

貓姑娘同美儀勸喻大家多關懷身邊長者。

貓姑娘同美儀勸喻大家多關懷身邊長者。