娛圈事
前香港游泳隊員原來驚......
小方笑言無防鯊網會淆底。
方力申（Alex）、衛詩雅、吳嘉熙（Cheronna ）與男友黃奕晨參與維港泳活動，無份落水游泳的方力申，笑言原本有工作在在身未能出席，但工作有調動便可以前來，不過自己從未試過參與維港泳，因為沒有防鯊網會淆底，皆因兒時睇過電影《大白鯊》留下陰影，更笑謂若下年參與的話要開始睇心理醫生克服陰影。
衛詩雅稱因為參與維港泳而緊張到睡不著。
衛詩雅表示為了落水參與維港泳，昨晚緊張到睡不著，於是睇動作片劇本，搞到個人更加興奮，結果只睡了個多小時，但覺得今年參與相比去年有難度，由於逆流又多人參加，更笑謂游泳期間被人踢完肋骨後，又有人游蛙式時踢中她塊面，而且飲了兩年啖海水。
原來方力申係Big Boss張頴康嘅幕後代理人！
由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映。昨晚（19日）一集劇情有重大推進，原來冠峰（方力申飾）是失了憶的魏子樂（張頴康飾）幕後代理人兼狂熱粉絲，在暗網以Perses身份幫助子樂執行復仇計劃！
小方身份曝光，原來佢係Big Boss張頴康嘅幕後代理人！
兩人年輕時已經認識。
兩人年輕時已經認識。
冠峰與子樂年輕時早已認識，兩人透過 Online Game結為好友，冠峰與爸爸（黃子雄飾）住在荒島時，感到生活既苦悶又壓抑，後經思想極端的子樂洗腦、殺掉自己的「痛苦根源」—親生父親，並重獲自由返回城市，自此冠峰便將子樂奉若神明。後來受盡喪妻之痛的子樂，在暗網聯絡冠峰，要求冠峰代為執行報仇計劃；惟子樂後來腦部缺氧導致失憶，冠峰便借協助O記查案為名、近距離接觸子樂為實！另邊廂，電腦奇才天祖（高鈞賢飾）與女友Ana（馮盈盈飾）協助警方凍結Perses的資金鏈，成功阻止Perses執行恐襲。冠峰深感自責之際，發現外國研發了一種新藥可以加速修補大腦受損部位，遂希望以此藥喚醒子樂記憶……..
小方借協助警方為名，接觸張頴康為實。
張頴康「洗腦」搞到小方弒父。
形象正面的小方今次罕有飾演反派，演出令人眼前一亮；小方今次演出的難度位，在於要在「理性睿智」Mode和 「狂熱信徒」Mode之間不停切換。小方「理性睿智」Mode時表現冷靜沉實，但當切換成「狂熱信徒」Mode時，小方則會頃刻變得理性盡失兼躁狂。昨晚一場小方VS高鈞賢、馮盈盈的網絡大戰， 一拳難敵四手的小方節節敗退，期間激動得爆汗不特止，更谷到額頭青筋盡現，「瘋癲」指數爆標！
小方幫張頴康報仇係為咗報恩。
呢場電腦大戰，小方爆晒汗兼爆晒青筋，「癲」味勁濃。
與張頴康獲封螢幕CP
講到劇中真正身份終於揭盅，小方受訪時笑言：「依家觀眾唔使再估喇！劇中子樂係冠峰唯一嘅朋友，佢係幫我脫離爸爸魔掌嘅人，所以當正佢係恩人，我要報恩幫佢完成報仇大計。」小方坦言角色很有挑戰性：「最難係要諗點樣鋪排，始終唔想脫離角色性格太多，唔想做得太過火，又想有意外驚喜帶到畀觀眾。呢個角色平時嘅情緒係比較平淡、冷靜嘅，但因為成長背景搞到性格有啲缺憾，所以有時會失去理智，要選擇『跳掣』嘅時機係最難嘅。」講到與張頴康非常合拍，更被笑指是CP，小方說：「同佢合作得好開心，大家都希望每一場戲觀眾都睇得開心，我哋兩個都會有商有量去傾點樣做好啲，佢係一個相當專業嘅演員，希望將來可以再合作多啲！」
呢場電腦大戰，小方爆晒汗兼爆晒青筋，「癲」味勁濃。
小方發現咗新藥可以幫到張頴康，睇嚟二人之後同警方仲有一番龍爭虎鬥。
