森美唔介意坐路口位，認真抵得諗！
森美最近孖黃翠如拍無綫新劇《過街英雄》，更擔正做男主角，個故事仲幾得意，他在劇中擁有老鼠的超能力，化身「老鼠俠」四圍去查案。日前，他就同一班劇中演員在觀塘寫字樓區的平民飯堂出現，而且還好親民不時同途人打招呼。
食完午飯，森美火速擸埋個背囊，又趕出去街上面拍外景。(東周圖片)
日前，在觀塘一帶的寫字樓區，遇見森美同埋劇中女主角黃翠如，還有黎彼得、曾航生等等的演員，為《過》劇開工拍外景，一行人朝早在樓上拍劇，到中午時間放飯，竟打破慣例「免役」不用捱飯盒，仲由森美帶頭，大班人到樓下一間平民食堂開餐。
由森美帶隊喺一間平民食堂度食午飯，大家為免翠如尷尬，讓佢坐一個唔使見人嘅角落位。(東周圖片)
不知大家是不是托森美的福，他出名識飲識食，他主持的旅遊節目《森美旅行團》，經常帶隊食好嘢，出名食嘢「嘴刁」，可能這次應該又是他帶隊，食番餐「好西」喇！
不少路人經過見到翠如都好興奮，不過，佢似乎怕畀太陽曬親，雞咁腳走！(東周圖片)
森美有時講嘢好似老是「窒」人「寸寸貢」，實則人品幾好。好像那天在人逼逼的食堂開飯，大家讓座給翠如坐個好位，不用被人逼及眼望望；反而森美就不價意坐路口位，認真抵得諗！飯後，佢同翠如繼續拍攝一場車戲，不少途人認得森美都和他打招呼，他還好nice的自己降低車窗，同番人say hello，真是勁親民！
東周圖片
更多娛樂消息，請看東周網：https://eastweek.my-magazine.me/main/entertainment
