為個唱學彈結他林奕匡下年趕造人計劃

彈結他應該難唔到林奕匡啦！

林奕匡將於下月舉行音樂會，為此進行綵排，他稱已進入最後階段，唯獨有一些舞蹈仍未排練。談到是否跳熱舞？他笑說：「你當我喺台上郁吓啦。」問及個唱驚喜位？他表示以音樂為主：「我聽過人講，人生只需要20首歌，觀眾嚟完我音樂會，有1首佔到佢哋人生中嘅20首，我已經好滿足。」

此外，林奕匡亦為個唱購買及學習彈結他，直言結他店主向他說除了車、油及女士，就到結他最花錢。問是否認同女士最花錢？他謂：「如果係自己個女就最貴重。（幾時追趕新手爸爸陳柏宇？）呢啲各有各行，下年有計劃。」

林奕匡還送了《高山低谷》十周年音樂會的門票給這幾位有緣的Busker。

最近密鑼緊鼓地排練音樂會的林奕匡（Phil）日前晚上途經旺角取車，聽到busker演唱自己的《安徒生的錯》技癢，突入busker街頭開Live一同演唱！Phil更即興與Busker jam《有人共鳴》及「DSE神曲」《一雙手》，當中有樂手今年考DSE，又謂：「我小六就聽呢首歌。」Phil苦笑表示：「你想兜個圈話細個就聽我啲歌。」

途中，Busker表示：「3年前玩sing con（歌唱比賽）初賽，第一次玩呢首歌，就係《高山低谷》」故希望與Phil現場唱一次《高山低谷》，Phil搞笑指：「3年前啫！」又指歌曲正正推出了十年，Busker即指出：「嗰時我7歲。」，場面惹笑。隨即，樂手更建議彈THE FIRST TAKE Version，Phil不禁大讚：「呢個version多咗個music break，你都識？」

期間，Phil表示：「今日幾開心，冇諗過有咁大嘅收獲，我係有個會計喺登打士街，行過嚟拎車嘅時候就咁啱見到。音樂其實有時就係緣份嘅嘢，例如遇到一隻歌、遇到一個故事、遇到一份詞，生命有唔同嘅機遇就係咁樣嚟。」又鼓勵Busker繼續追夢，做到自己喜歡的事，即使遇到挑戰都會令人成長，讓自己能夠面對更多難題：「做音樂唔容易，尤其是buskers，要一早霸定個位又要練好多歌，所以大家要多多支持。」期間，一度獲圍觀市民一同大合唱，唱畢後，Busker大喊：「我真係好開心呀。」場面熱鬧又溫暖。

最後，Phil決定送上音樂會門票邀請Busker到場欣賞這場別具意義的音樂會，見證Phil十年來經歷《高山低谷》的音樂軌跡，藉此激勵街頭表演者憑《一雙手》握成拳頭，總會尋找到屬於自己的地方。

事後，Phil亦上載大合照謂：「記得十年前，我都有喺呢度busk過，亦都希望鼓勵一下追音樂夢嘅朋友💪🏻💪🏻Do what you love，love what you do. 就算觀眾多與少，你都可以一樣咁enjoy，加油！」

View this post on Instagram

A post shared by Phil Lam 林奕匡 (@saxyphil)

林奕匡（Phil）將方下週（4月27-28日）舉行一連兩場「agnès b. Presents: 高山低谷 10週年 Special - Phil Lam The Great Decade Live」音樂會，早前已率先預告歌單包含很多大家耳熟能詳的歌曲，部份歌曲會重新編曲，更密鑼緊鼓練習saxophone為音樂會演出！密切期待！