被告1月3日出庭自辯
38歲已停職交通警涉嫌於去年7月在自動櫃員機拾遺不報，直到本年2月被警方調查後拘捕。被告早前否認一盜竊罪，案件今於九龍城法院開審。暫委裁判官林希維裁定控方表證成立，被告將於明年1月3日出庭自辯。
被告劉元明。
聆訊下午播放被告劉元明向銀行查詢的3段錄音，他向職員表示自己當時先轉帳，再提款，稱「我記得自己撳過8000蚊，但嗰時打緊電話，又出單，之後就聽到嘟嘟聲，咁我影緊相咪飛埋去⋯⋯你知啦，嘟嘟聲響一係無拎卡，一係無拎錢」當他打算將錢放入錢包時，發現內已有8000元，他擔心自己重複提款，又不停問職員「會唔會櫃員機自己嘔多咗8000蚊呀？」
職員先後向被告表明紀錄只提取了一次8000元，著他若真擔心自己取了他人款項，可交還銀行附近分行或警署。但被告一直重複說「最驚拎去差館發現啲錢係我嘅」，甚至提到自己任職警員，怕會「帶挈」到伙記，不敢將錢交去警署，又指自己要到九龍城附近用膳，如要將錢交到最近分行會很麻煩。