*

upload_article_image

大媽「發爛渣」求換特價胸圍 職員酌情處理惹爭議

優待滋擾,非常荒謬!

日前一位大媽在大埔一個商場內衣展銷攤位,出動「獅吼功」要求更換特價胸圍,職員最終就範作酌情處理。有網民拍攝大媽「發爛渣」經過,質疑「點解大陸人嘈吓就可以換?唔通佢哋就有特權?」

大媽「發爛渣」後獲酌情換胸圍引起爭議。網民Lucy Bebe facebook影片截圖

網民Lucy Bebe昨日在Facebook分享有關片段,事發於本周二下午约5時45分,一田百貨於大埔超級城舉行為期兩星期的冬季內衣展銷。

一位穿格仔恤衫的大媽站在內衣品牌攤位前大吵大鬧,聲稱自己「搭咗幾個鐘車落嚟香港」,要求更換特價胸圍。職員告知不能更換,大媽隨即吼叫:「咩叫冇得換 ,我幾百蚊買個胸圍,有乜可能冇得換 ,周圍都有得換!」網民表示,大媽最後可以換胸圍及底褲。

該網民指,當時圍觀的途人都覺得個大媽離譜。「點解大陸人嘈下就可以換?唔通大陸人有特權?你哋就可以將其他客人的安全衛生不顧?」

大媽「發爛渣」後獲酌情換胸圍引起爭議。網民Lucy Bebe facebook影片截圖

網民其後追問換貨職員,對方重申無得換。「咁我問佢點解頭先佢又換畀個大媽!佢竟然同我講佢唔知道, 叫我問返頭先個大媽!真係荒謬!」

涉及的品牌「安莉芳」回覆網民查詢時表示,特價胸圍不設退換,而內褲因衛生問題,不論是否正價或特價都不設退換。當日該女士對其他顧客做成滋擾,為保障其他客人,作出特別換貨安排,當中未有包括內褲。

事件因起不少網民關注,有網民批評大媽「人無恥便無敵」,又質疑有關公司安排更換不妥,但亦有網民認為更換無問題,「我睇唔到換胸圍同平時我地買衫唔啱著換有咩分別」。