開音樂會擺「熱狗」坐陣 許廷鏗操肌明年登紅館

許廷鏗希望大家多多支持香港音樂。

許廷鏗於尖沙咀舉行《停半分鐘限定音樂會》，吸引到過百歌迷及途人欣賞。許廷鏗先後唱出多首耳熟能詳的廣東歌，包括《K歌之王》及《逃避你》等，繼而邀請到歌曲《停半分鐘聽一闋歌》填詞人繆浩昌（6號）@RubberBand同台合唱。

許廷鏗盼令繁忙的香港人停下「半分鐘」，希望大家多多支持香港音樂。約1小時的音樂會結束後，眼紅紅的許廷鏗感言音樂會確實籌備需時，不管是身後的「熱狗」巴士、帶病撐場的6號及天公造美，都令他相當感恩。他說：「呢架『熱狗』都係噚日先確實嚟到，呢架巴士已經絕版。好想同大家講，有啲嘢無咗就無，唔希望有一日歌手會唔再出碟。」

許廷鏗於尖沙咀舉行《停半分鐘限定音樂會》。

許廷鏗亦宣傳明年3月會首踏紅館，暫演1場，為此努力操肌。問到可會性感演出？他笑說：「我OK嘅，不過要睇觀眾意慾如何。」

許廷鏗於尖沙咀舉行《停半分鐘限定音樂會》。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。