娛圈事
袁富華激動：我真係好鍾意做演員！
《第55屆金馬獎頒獎典禮》找來羅家英、苑瓊丹頒發男女配獎項。以《翠絲》入圍角逐女配的惠英紅失落獎座，由演出《幸福城市》的台灣女星丁寧勇奪女配。
54歲的資深男演員袁富華拿下男配獎。
54歲的資深男演員袁富華（Ben）以《翠絲》「打鈴哥」一角，拿下男配獎，揮低《幸福城市》的李鴻其《幸福城市》、《後來的我們》田壯壯等。心情激動的Ben眼泛淚光，上台前攬攬《翠絲》監製舒琪及拍檔惠英紅。自認國語麻麻的Ben以廣東話講得獎感言：「原來係咁激動，30年前我做舞台劇演員，因為冇乜成就，但我真係好鍾意做演員。多謝金馬評委，令我知道30年前做嘅決定冇錯，亦好多謝黑哥姜皓文、紅姐惠英紅，同埋導演舒琪，冇佢我唔會企喺度。」他亦感謝默默在背後支持他的另一半，及大家的愛護。
男演員袁富華拿下男配獎與台灣女星丁寧勇奪女配。
第55屆金馬獎頒獎典禮。
惠英紅 (中)
袁富華與梁仲恆並非首次碰頭，兩人曾合作舞台劇，彼此有一定默契！
1月28日正式上畫的浪漫愛情作品《不是你不愛你》，戲內除了錯綜複雜的感情線，兩位好戲之人Ben哥袁富華、阿炳梁仲恆，這對戲中父子冤家，不時在戲內大鬥演技，尤其兩人一場酒後內心戲，盡顯細膩父子情。
袁富華與梁仲恆在《不是你不愛你》飾演一對父子冤家。
當日拍攝兩父子到果欄攞貨，由於袁富華經營的生果檔生意不景，經常要向果欄批發商賒數，惜長貧難顧，批發商逐將爛生果批俾兩父子，Ben哥還是忍氣吞聲接受，相反，性格衝動的阿炳因此同批發商炒大鑊，動口兼動武，Ben哥見狀及時上前阻止。
Ben哥與阿炳並非首次碰頭，兩人曾合作舞台劇，彼此有一定默契，Ben哥說：「我好滿意呢個仔，唔知點解會生到佢咁高，同埋我哋一前一後進入同一個劇團工作，我算係佢前輩，見到佢工作有成續，會戥佢開心。」
提到戲中兩父子性格各走兩極，爸爸內斂、囝囝火爆，Ben哥說：「同呢個仔有啲南轅北轍，呢個爸爸好軟皮蛇，好似中咗化骨綿掌咁，令呢個仔好火。」要說服觀眾投入兩父子的關係，阿炳坦言要多謝Ben教導，他說：「休息嘅時候，Ben哥會教我點處理啲戲，佢用咗好多時間去摸索，佢唔想我行冤枉路，可以行快啲。」
Ben哥憑電影《翠絲》榮獲金馬獎和金像獎「最佳男配角」，亦曾在「香港舞台劇獎」憑舞台劇《專業社團》獲得「最佳男配角（喜/鬧）」，無論是電影界、抑或舞台劇界，都是前輩級好戲骨。
袁富華經營的生果檔生意不景，經常要向果欄批發商賒數，批發商逐將爛生果批俾兩父子。
袁富華忍氣吞聲接受，性格衝動的梁仲恆因此同批發商炒大鑊，動口兼動武。
袁富華見狀及時上前阻止。
「其實只係將自己經驗分享，因為舞台劇同電影世界會有唔同，需要時間去適應，我似老賣老咁同佢講，哈哈！我哋雖然唔係成日合作，但以前排過舞台劇，個感情好唔同。」Ben哥說。
兩人曾合作舞台劇，彼此有一定默契！
袁富華還傳授梁仲恆好戲心法！
