叠埋心水專注事業 方力申孖友人公事傾不停

小方現在不但是游水學校校長，還兼職教水......

方力申（小方）和鄧麗欣（Stephy），在前年分手結束十年情之後，從此各自各精采。舊愛Stephy如今已經有着落，同台灣藝人邱勝翔（王子）公開姊弟戀，兩人感情如膠似漆，在公開場合或在社交網，都不時甜蜜「放閃」。而小方，回復單身之後，雖然緋聞一大籮，但是全部「冇米粥」，近來還好像「叠埋心水」，專注發展他游水學校的事業！

鄧麗欣、方力申（資料圖片）

Stephy與王子公開姊弟戀，兩人感情仲如膠似漆，喺公開場合定係社交網，都不時「放閃」。（《東周刊》圖片）

據《東周刊》報道，日前下午三點，頭戴cap帽、身穿黑色T恤、牛仔褲，全身黑的小方現身中環ifc商場，一個人形單隻影在商場行過。現場所見，他邊走邊好忙，不停拿着電話傳訊息，看起來像是趕著佳人有約。

全身黑色衫褲，戴埋黑帽嘅小方，行色匆匆，睇嚟係刻意低調。（《東周刊》圖片）

一路趕去餐廳方向嘅小方，邊行邊忙住發語音短訊，唔知同邊位佳人聯絡呢？（《東周刊》圖片）

結果，小方真的進入一間高級餐廳，還很有閒情逸致地點了個三層架下午茶，悠悠閒同一個長髮紮馬尾的中女，一邊歎tea，一邊密密斟，難道他轉重口味鍾意「姐姐」？不過，仔細看，同枱原來還有一男一女友人，四個人似乎在聊工作上面的事情，聊得好投入，看來小方暫時都還是寄情工作！

坐低背對餐廳門口嘅小方，同一個長髮中女密密斟好好傾。（《東周刊》圖片）

同枱一共四個人，一邊歎住high tea、一邊傾公事，仲傾到指手劃腳添。（《東周刊》圖片）

更多娛樂消息，請看東周網：https://eastweek.my-magazine.me/main/entertainment

原來方力申係Big Boss張頴康嘅幕後代理人！

由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映。昨晚（19日）一集劇情有重大推進，原來冠峰（方力申飾）是失了憶的魏子樂（張頴康飾）幕後代理人兼狂熱粉絲，在暗網以Perses身份幫助子樂執行復仇計劃！

小方身份曝光，原來佢係Big Boss張頴康嘅幕後代理人！

兩人年輕時已經認識。

兩人年輕時已經認識。

冠峰與子樂年輕時早已認識，兩人透過 Online Game結為好友，冠峰與爸爸（黃子雄飾）住在荒島時，感到生活既苦悶又壓抑，後經思想極端的子樂洗腦、殺掉自己的「痛苦根源」—親生父親，並重獲自由返回城市，自此冠峰便將子樂奉若神明。後來受盡喪妻之痛的子樂，在暗網聯絡冠峰，要求冠峰代為執行報仇計劃；惟子樂後來腦部缺氧導致失憶，冠峰便借協助O記查案為名、近距離接觸子樂為實！另邊廂，電腦奇才天祖（高鈞賢飾）與女友Ana（馮盈盈飾）協助警方凍結Perses的資金鏈，成功阻止Perses執行恐襲。冠峰深感自責之際，發現外國研發了一種新藥可以加速修補大腦受損部位，遂希望以此藥喚醒子樂記憶……..

小方借協助警方為名，接觸張頴康為實。

張頴康「洗腦」搞到小方弒父。

形象正面的小方今次罕有飾演反派，演出令人眼前一亮；小方今次演出的難度位，在於要在「理性睿智」Mode和 「狂熱信徒」Mode之間不停切換。小方「理性睿智」Mode時表現冷靜沉實，但當切換成「狂熱信徒」Mode時，小方則會頃刻變得理性盡失兼躁狂。昨晚一場小方VS高鈞賢、馮盈盈的網絡大戰， 一拳難敵四手的小方節節敗退，期間激動得爆汗不特止，更谷到額頭青筋盡現，「瘋癲」指數爆標！

小方幫張頴康報仇係為咗報恩。

呢場電腦大戰，小方爆晒汗兼爆晒青筋，「癲」味勁濃。

與張頴康獲封螢幕CP
講到劇中真正身份終於揭盅，小方受訪時笑言：「依家觀眾唔使再估喇！劇中子樂係冠峰唯一嘅朋友，佢係幫我脫離爸爸魔掌嘅人，所以當正佢係恩人，我要報恩幫佢完成報仇大計。」小方坦言角色很有挑戰性：「最難係要諗點樣鋪排，始終唔想脫離角色性格太多，唔想做得太過火，又想有意外驚喜帶到畀觀眾。呢個角色平時嘅情緒係比較平淡、冷靜嘅，但因為成長背景搞到性格有啲缺憾，所以有時會失去理智，要選擇『跳掣』嘅時機係最難嘅。」講到與張頴康非常合拍，更被笑指是CP，小方說：「同佢合作得好開心，大家都希望每一場戲觀眾都睇得開心，我哋兩個都會有商有量去傾點樣做好啲，佢係一個相當專業嘅演員，希望將來可以再合作多啲！」

呢場電腦大戰，小方爆晒汗兼爆晒青筋，「癲」味勁濃。

小方發現咗新藥可以幫到張頴康，睇嚟二人之後同警方仲有一番龍爭虎鬥。