【TVB台慶】唐詩詠否認有新歡但「個個不排除一切是後話」

唐詩詠谷胸上陣，表明自己會努力結識異性。

唐詩詠穿低胸晚裝行台慶紅地氈，對於被爆跟補習社執行董事吃飯，她否認拍拖或被追求，澄清只是普通飯聚，對方為她撥頭髮並非預知到，叫大家放心，自己會努力。

問對方是否杯中茶？唐詩詠回應：「也是後話，暫時食飯先，個個也不排除。」至於對方開補習社家底不錯，她稱不太了解，會努力跟各階層吃飯，因做演員要認識不同人，叫大家給她一些空間。

唐詩詠離巢後發展都唔錯！

兩年前離巢TVB的唐詩詠日前接受雷霆881商業一台《星光背後》專訪，於節目中親解離巢原因，更認無悔離巢，之後更罕談感情事，坦言自己不善溝通。

入行20年的唐詩詠2017年憑《不懂撒嬌的女人》首奪視后，之後詩詠就瘋狂拍劇直至合約到期，她指2015年已欲外闖，「15年那時還會恐懼，確實係2017年拎完獎之後，我內心有諗法，我同自己講40歲後我要諗清楚想做啲咩，係我為自己設嘅deadline，感覺到自己要時間休息。」又透露「我係好鍾意演戲，但再咁拍落去，覺得自己無突破，演嘅角色都差唔多。而生活上，已經拍到好攰。如果我想有得揀，我必須要有足夠積蓄，所以離開之前狂拍劇，計過自己半年沒工作都可以養家，金牛座需要有好好準備先去做決定。」幸運的是，離巢後即接到廣告和電影，唐詩詠說：「我發覺恐懼源於習慣，離開後我即時接了一個廣告，也拍了兩齣電影，有可觀的收入，亦有不同的嘗試。」

唐詩詠離巢後更有機會到孟加拉探訪受童婚影響的女孩家庭，旅程令她人生一百八十度轉變，她說﹕「孟加拉嗰啲女仔好偉大好想讀書為其他人，我反觀自己當年有書都唔讀，只係為咗掙更多錢，好多野都係為咗自己。當年金融風暴，經歷父母離異，遇過好多人上門拍門追債，果時我認為無錢就會有好多問題出現，父母亦唔會分開。」

提到80歲父親，唐詩詠更感觸哽咽，「第一次同爸爸、哥哥去日本旅行，有一晚得返我同爸爸兩個人食飯，雖然大家無講咩特別話題，但嗰次先至好似同爸爸真正相處。」

至於感情路崎嶇的唐詩詠情多個對象都未能開花結果，她分析因由說：「當然有好多原因，對方的原因我唔會講，我自己過去都是因為太注重工作，乜都工作行先，當然都會照顧另一半，但其實我一直唔識溝通，除左最長果段感情，對方一觸碰我的底線，我就會走！過去拍拖，我最弱就係溝通，我唔識將自己唔開心同另一半分享，我以為唔講出嚟就無野，最後對方會覺得『點解你唔開心唔同我講？』」當年唐詩詠與洪永城因劇集《載得有情人》而交往，唐詩詠透露分手原因是男方承受著壓力，而她當時不懂保護對方，導致兩人分手。