娛圈事
袁詠儀要對住兩個「牙尖嘴利」Chilam~
身為佛教徒的張智霖（Chilam）坦言曾經諗過短期出家，但個人心浮氣躁，未到時機。若跟太太一起禁言會否好難？Chilam表示若然想試，太太也會配合，又謂過往曾經到尼泊爾、不丹及佛祖成道的菩提樹等朝聖。他說：「兒子3個月會大已經同我去尼泊爾，因為有寧波車圓寂，一定要去。佢都好有佛緣，同我們去聽經會坐定定。」
Chilam囝囝除了遺傳帥氣外，還有一把利嘴。
有傳跟太太袁詠儀於機場鬧交？Chilam說：「好搞笑！我哋真係唔會唔鬧交，但啲人成日問我去追佢定佢追我？佢行得咁快，我點追佢。」問到兩公婆平時為何事鬧交？他笑言芝麻綠豆的事，但認為兩個人一起，永遠不可能做到一致，必會有開心同意見分歧。
他說：「我都好牙尖嘴利，要贏一定會贏，好有律師潛質。（經常賴皮？）我唔覺得，但佢會覺得係。兒子都遺傳牙尖嘴利，佢有啲切入點幾好，阿媽（指太太）唔夠佢講。」他又指兒子現年12歲，已是一個大人，父子感覺似兄弟。
詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！
詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！
Jim sir 6場《即興之王》順利完成。
Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」
Jim sir好感恩觀眾好投入。
更揚言會做100場。
更希望將《即興之王》帶到星馬、美加等地，與當地華人及香港人一同分享。
Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」
廖碧兒
林盛斌
陳小春
而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」
張智霖與囝囝張慕童
魔童好滿意Jim sir扮女人「moment姐」。
魔童睇到笑唔停。
仲同爸爸Chilam「十五指緊扣」。
