百元燒鵝麵被指「切頭切尾」前DJ斥「俾鏞記羞辱！」

「我今日簡直覺得係俾鏞記羞辱！」

中環鏞記的燒鵝歷史久遠，吸引不少中外食客冒名而來，但前電台DJ何嘉麗發帖文指責，賣近百元的燒鵝麵上碟的竟是不同部位，不同鵝隻的切件，怒斥「我今日簡直覺得係俾鏞記羞辱！」

何嘉麗在帖文表示，昨到鏞記吃燒鵝麵，雖然她坦言接近100元的售價是「貴價」，但她亦不介意願意付款，然而上菜時她發現「呢碟燒鵝啲皮係唔同色嘅，即係唔單止來自唔同部位，亦都可能係來自唔同嘅鵝係拼砌而成」，即大感失望。

她直指可能100元對鏞記來說是小數目，但她作為一名食客亦想受尊重，「俾返舊齊齊整整嘅肉我啦！」，「 $100一碗燒鵝麵，我覺得合理嘅，但係請你尊重下我，亦都請你尊重下你自己個老字號，唔好係咁切頭切尾俾我食啦！」她更在hashtag暗嘲「應該叫做燒鵝肉粒麵」。

今時今日咁嘅服務態度⋯

香港有不少出名的燒鵝專門店，燒鵝好食固然重要，不過服務態度亦同樣重要。近日，有食客於社交平台發文，分享光顧一家知名燒鵝餐廳的不愉快經歷，更直斥這家餐廳是「垃圾餐廳影衰香港」。不少網民亦留言表示贊同，指該餐廳的職員態度非常惡劣；也有網民慨嘆香港食肆的服務水平每況愈下。

該食客於Facebook群組「香港茶餐廳及美食關注組」發文，表示一進入餐廳感覺已經不太好「D伙記唔會主動攞餐牌」、「攞餐牌我都叫咗2次」、「成間餐廳堂食都只用外賣膠盒」。之後樓主同朋友先點了一份雙併飯配罐裝汽水，上菜後再額外點了燒鵝河粉加凍檸茶，不過等了整整10多分鐘，燒鵝河粉及凍檸茶卻遲遲未上，於是樓主向侍應詢問，侍應則回應「整緊」。

期間，樓主聽到門口位的一名大叔大聲喊話「12號枱冇河粉」，所以「望吓我哋枱號6號，心諗我哋叫咗咁耐可能係最後一碗」。等到雙併飯都已經吃完，燒鵝河粉及凍檸茶依然未到，於是再次詢問，這時剛才的大叔卻大聲喊話「都話冇河粉！」樓主覺得非常震驚，因為他們已經等了超過20分鐘，而之前的侍應竟然還表示「整緊」，不解「咁第一位職員追話整緊究竟係整緊咩呢？」

之後，另一名女侍應問樓主是否可以轉米粉或麵，但樓主已經等到「火滾」，並指出「我話你哋大叫冇河粉前10分鐘我哋已經落單」因此堅持不轉，女侍應也只好向大叔回報「他們只想要河粉」。這時，大叔開始發火，大聲叫喊「冇點俾啫！你想要就有㗎，我夠想發達咯！」樓主聽到這番話非常憤怒，怒斥：「我哋喺你大叫12號枱冇河粉前10分鐘已經落單，你漏單係你問題，仲要咁嘅態度！唔想做就咪做嘛！」

大叔即辯稱「我同我D伙記講啫」，樓主氣得火冒三丈「果刻我真係想煎巴佢！我話你企門口大叫到我哋客人都清楚聽到，你公司唔洗顧形象㗎，咁嘅態度仲想發達！發霉就有你份！」並質問大叔「你係老闆呀？叫你老闆出嚟吖！」大叔則閉口不語。樓主表示「原本小事一宗，但請著D咁嘅伙記直情影衰香港服務性行業」，並直言「坐咗20分鐘連杯凍檸茶都冇影冇踪，仲要聽埋D令人火起嘅說話，已經唔想再俾錢佢賺！埋單走條廚房仔仲要眼啤啤！佢哋漏單難道係客人責任？咁嘅餐廳早執早著！」

此帖一出即引起網民熱議，不少網民紛紛表示支持，指該餐廳的職員態度實在惡劣「幾間夥記態度都好有問題，食過天后/尖咀/深水埗/長沙灣都一樣衰」、「呢間店嘅店員態度真係好差！因為我都受過佢哋氣！食過一次就冇再去」、「撐你阿師兄，我都係做飲食行業仲係做廚房，正常一碗河粉+杯凍檸茶5分鐘內一定出得到，除非前面排單」、「呢間都算極品，上次尖沙咀分店，D亞姐惡到呀！貼錢買難受」。

亦有網民慨嘆香港食肆的服務水平每況越下「依家香港飲食業D服務真係衰到一個點，老闆同D伙記全部都西口西面」、「唔會執㗎喇，喺香港已成常態，只會變差，不會變好」、「而家啲餐廳無論食物質素，員工的態度都不能和二十年前比較」、「而家餐廳店員服務越來越差，唔好話好服務態度，同佢講多句，都西口西面」。

帖文來源：Facebook群組「香港茶餐廳及美食關注組」

百元燒鵝麵被指「切頭切尾」前DJ斥「俾鏞記羞辱！」

社會事