結婚六周年甜蜜依舊 杜德偉緊扣愛妻鬧市放閃

wow~好sweet呀～

56歲的美魔男杜德偉（Alex）的太太李曉冰（Ice）兩年前幫他生了個可愛囝囝AJ，一家三口幸福滿瀉。日前晚上，星級Daddy撇下兒子，十指緊扣愛妻甜蜜行銅鑼灣，看完名店聖誕裝飾，再逛附近店鋪看充電器，漫無目的拍拖半個鐘，鬧市放閃！

月前，Alex夫婦帶囝囝AJ去中環睇書，AJ好叻仔望鏡揮手say hi。

兩歲大嘅小魔鬼AJ，似足父母混合體。

11月11日光棍節是Alex與太太結婚六周年紀念日，Alex當日分享合照並留言冧老婆話：「就是為了可以每天都能看到這笑容所以娶妳為妻∼祝我們6周年鐵婚快樂！」

日前，Alex喺社交網放閃，貼咗張攬住老婆影嘅合照，慶祝鐵婚快樂！

日前，梁朝偉在上海獲頒成就獎，Alex等好友專誠飛往當地送驚喜。兩個凍齡人夫唔識老。

不是紀念日才可以放閃的！日前晚上，Alex就陪太太行街過二人世界。當晚7時許，著得好潮又搶眼的Alex與Ice十指緊扣浪漫行時代廣場。兩公婆漫無目的地邊走邊聊邊笑，看上去幸福滿滿！見Alex對的聖誕裝飾挺有興趣，但望了一下都沒買便離開。行到鬧市，星級夫婦被好多人認出，但無損二人行街雅興，繼續拖手晒溫馨，然後Ice看見充電器想買，兩夫婦又貼頭看了一會兒，最終都不合心意，才折返時代廣場取車返家。

Alex兩公婆喺商場睇咗陣聖誕裝飾，無收穫就落街行。

Gel靚髮尾嘅Alex，型爆十指緊扣愛妻。

Ice想買充電器，老公體貼陪揀。

杜德偉透露明年出道40周年，計劃有大搞作，並希望明年能夠在香港紅館攞到期舉行周年演唱會。

杜德偉（Alex）昨晚（3月19日）應邀出席慈善活動「保單捐贈音樂會──『若然世界沒忽略2024』」，Alex繼月初TVB博愛騷後，再一次現身公開活動演唱。Alex久未在港踏上舞台，故此歌迷這晚反應非常熱烈，而Alex在台上又大方自揭年齡，跟觀眾打成一片。即將在5月台北小巨蛋舉行巡唱的Alex，當然亦被追問何時回歸主場，Alex就笑言其實每日都在香港開唱，又透露明年出道40周年，計劃有大搞作，叫觀眾拭目以待。

Alex應邀出席慈善活動。

Alex透露明年出道40周年，計劃有大搞作。

Alex這晚在台上連唱三首經典情歌包括：《擦身情緣》、《無心傷害》及《Because I love you》，而慈善演唱會的台下觀眾遍布社會各不同年齡階層，但同樣被Alex歌聲吸引，大家都聽得非常投入，掌聲不斷，演唱中途Alex又發揮幽默本色，哄得台下歌迷歡喜，他笑言這天有機會跟自己母校師弟們聚舊：「聽講今日有好多我母校聖保羅書院的師弟到場，就算有好多師弟，年紀相差應該好遠，我1978年畢業，應該好多才90後畢業吧，時間過得好快，人生好快，一轉眼由20幾歲，好奇怪就已經到60歲。」

Alex在台上連唱三首經典情歌。

演唱中途不忘發揮幽默本色，哄得台下歌迷歡喜。

難得在香港公開場合演唱，故Alex甫上台，觀眾經已歡呼拍掌，Alex接受訪問時就表示欣喜獲大會邀請：「其實今次係第一次嚟到戲曲中心表演唱歌，感覺好新鮮，今次難得有呢個緣分出席慈善活動，既然機會去到我面前，我一定會參與，全力以赴﹗」

Alex表情第一次到戲曲中心表演唱歌，感覺好新鮮。

Alex過去一年走到新加坡、上海等內地城市舉行巡唱，下一站就會是5月到台北小巨蛋，香港歌迷都敲碗想問Alex何時回歸主場開騷，他就開玩笑說到：「其實我日日都喺香港開演唱會，自己屋企沖涼嘅時候，我就會開一場，哈哈。其實我係好希望能夠喺紅館開，明年就是入行40周年，香港係我事業生命嘅開始，所以希望明年能夠喺香港紅館攞到期，作為我40周年的世界巡迴演唱會第一站。」

Alex希望明年能夠在香港紅館攞到期，作為他40周年的世界巡迴演唱會第一站。

講到日前林志穎在社交平台，上載他們二人合照，牽起網民集體回憶，Alex就指跟對方經已認識超過30年，90年代初兩人並肩工作，當年他經常去到台灣做宣傳，而林志穎就會一盡地主之誼，及後二人各有自己事業和家庭，故多年來都鮮有見面：「我哋最近喺內地嘅一個工作度見返面啦，好感動嗰個感覺，即係大家一見到面時候，大家攬住都講唔到嘢，既陌生又熟悉嘅感覺，唔係十年人事幾翻身，係二十年人事多翻身啊，大家好似無分開過，仲係當年嘅好兄弟好朋友，呢種感覺唔係成日都有。」

林志穎日前在社交平台分享與Alex的合照。

Alex指二人經已認識超過30年。

雖然多年來都鮮有見面，但一見面熟悉的感覺沒有變。