娛圈事
養狗仔及人仔，真係兩回事！
身穿紅衫兼染了一頭金髮的鄭融昨日現身活動，她透露自愛犬於七年前去世後，因傷心關係沒再養狗，但日前她於澳門狗場領養了一隻格力犬，格力犬性格溫馴兼好嗲，但領養的犬隻不可以自選，而且申請領養程序頗嚴謹，所以仍未到家中。問到何時跟男友養小朋友？她笑謂係兩回事，可以跟朋友的子女玩，跟男友有共識會養隻狗為先。
鄭融。資料圖片
鄭融透露於澳門狗場領養了一隻格力犬。
對於年尾各大樂壇頒獎禮即將舉行，鄭融直言對獲獎有點信心，因為參與作曲的歌曲嘗試了新曲風，幸好出來效果獲得歌迷喜歡，自己亦好鍾意，得到的滿足感好大，更認為轉變並不容易，但覺得不可以只做舒服同有把握的事。
鄭融 (資料圖片)
鄭融 (資料圖片)
網上音樂節目《Singaholic》來到第六集，主理人鄧小巧這集找來鄭融任嘉賓。
一開場，小巧便唱出鄭融（Stephanie）的代表作《紅綠燈》歡迎鄭融，小巧表示讀書時期經常唱這首歌，「真係好榮幸可以今日請到呢首歌嘅原唱，因為讀書時期每一次去唱K，一定會有人點，我或者會唱，或者會多過一次嘅，阿融！」
小巧唱出鄭融的代表作《紅綠燈》歡迎鄭融。
小巧指讀書時期每一次去唱K，一定會有人點《紅綠燈》。
觀看相關影片按連結：https://youtu.be/qF-gFDNP2vc?si=f6oaRHTQK8gxOA2o
節目傳統，歌手們都會一邊唱歌、一邊「㗳」番兩杯，不過外表看似野性的鄭融原來是非酒精人士，「睇唔出呢，我唔得㗎。大家想飲酒係因為覺得會放鬆、開心，但我唔會㗎，我會面紅同埋好易頭痛，所以我通常都係mocktail。」但她表示近年食飯都會飲番一、兩杯紅酒，但會放足一晚，「攤長飲，好慢，永遠都會飲剩。」
鄭融外表看似野性，但原來是非酒精人士。
問到醉酒後做過最瘋的事，鄭融尷尬地說：「有一次飲咗少少酒，跟住撞到以前商台蔡冕麗小姐DJ Mini，咁佢紅色頭髮㗎嘛，我就好大聲：『喂！紅頭Min！』哈哈！但係佢未聽過我咁樣稱呼佢，勁唔勁啊！但都已經隔咗好多年，佢都唔介意嘅。其實唔係有啲乜嘢，但係我唔會咁樣稱呼佢。」
鄭融分享醉酒後做過最瘋的事。
就是叫前商台蔡冕麗小姐DJ Mini「紅頭Min」。
就是叫前商台蔡冕麗小姐DJ Mini「紅頭Min」。
講到現今娛樂圈生態，小巧謂現在多了不同身型的藝人，不再是以往千篇一律的纖瘦，鄭融自爆自己的身高已說明一切，「我真係exactly五呎，五呎一都冇。」她又提到早前有朋友問她，如果整容的話想整甚麼，鄭融想也不用想便答道：「『駁高個人囉！哈哈，我又冇乜嘢想整。』係好痛，但係着高踭鞋都好痛，代價好大，好多時候我哋真係開工嗰下先着，一返到後台其實即刻轉拖鞋，嗰個痛係酸同埋麻。」小巧和議，「試過除咗鞋之後，我啲腳趾掂唔到落地，好痛！」鄭融接着說：「我有諗過如果可以嘅話，行落樓梯嘅時候，我真係唔介意我寧願爬！或者可以安排有架輪椅喺後台。」
小巧指現在多了不同身型的藝人。
鄭融自爆自己的身高已說明一切，「我真係exactly五呎，五呎一都冇。」
小巧問如果整容的話想整甚麼？
鄭融直言想增高！
