拍《救妻》有難度 美棋BB零經驗扮暗戀

佢話：全靠演演技搭夠。

在劇集《救妻同學會》中飾演班長「叮噹」在的「美棋BB」（黃美棋），為了角色將留了10多年頭髮剪短，又專登搵言語治療師改善懶音及講嘢過急問題，都算犧牲大。不過，她說最困難的反而是要演暗戀戲份，她笑言冇乜經驗，全靠演技搭夠。 

剪了清爽短髮的美棋BB，大個女咗好多。

劇中叫「叮噹」，除了姓「丁」，還因她好多法寶照顧一班宿友。

美棋離開港視後，加入TVB後以主持為主，已有一段時間冇拍劇，所以有今次機會她笑言演技大爆發，「真係好耐冇演戲，儲埋團火終於可以爆出嚟，講番其實我對上一次拍TVB劇，係01年拍嘅《七號差館》，嗰時我仲係童星。」

劇中美棋由讀書時期已暗戀伍富橋，認真癡心又長情。

當新人重新出發

難得有機會拍劇，美棋自然特別瞓身，監製要求剪髮亦一口答應，仲自發搵專家矯正講對白，「監製話想角色前後期有啲分別，雖然我把頭髮留咗10幾年，但為咗效果好冇所謂啦！同埋角色講嘢好慢，我知自己講嘢比較快，專登搵言語治療師矯正番，仲有啲懶音都改埋，我當自己新人咁重新出發。」

美棋謂劇中有不少「彩蛋」，張曦雯演她索爆家姐肯定係驚喜。

美棋去年加入TVB，主持過不少節目，包括《生活100錯》。

美棋話同一班年輕演員合作好開心，大家成日講笑又「萬歲」，所以完全唔覺辛苦，唯一有難度是角色要全程暗戀人，「講我暗戀伍富橋，就算佢結埋婚，我都要默默守護佢，做埋佢老婆余思霆好姐妹，呢個真係有啲難度，我冇乜暗戀人經驗，畀人暗戀多啲，哈哈！所以今次完全係靠演技搭夠㗎！」

29歲的美棋跟歌手鍾鍵威拍拖3年，暫未有意談婚嫁。

美棋BB勁晒洶湧上圍！

黃美棋今日（4月6日）與鍾健威（Ray）在西貢五星級酒店WH HOTEL舉行婚禮，並於下午約4時現身見傳媒。黃美棋身穿白色拖尾Deep V露背婚紗大晒好身材，與身穿白色西裝的鍾健威相當合襯，一對新人更應要求三度咀嘴讓在場人士拍照。

黃美棋於結婚大喜日子，與老公鍾健威見傳媒。

美棋BB谷胸婚紗勁煞食！

三度咀咀放閃。

鍾健威透露婚禮花費七位數字，更會兼任司儀。

鍾健威表示早上接新娘時，被一班姊妹安排做瑜伽和行石春路，玩到一身汗又聲沙沙，但覺得好開心。黃美棋受訪時兩度感動落淚，透露接新娘時已喊了足足5次：「我一直都叫自己冷靜，不要太緊張，見他認真玩遊戲，講愛的宣言時給他考驗，要他彈結他唱出來，很感謝他為我做很多事。」黃美棋又透露老公想追龍仔：「奶奶在斟茶時送我金手鈪，說轉幾圈就會生幾個，她都是轉了兩圈就說夠。」

美棋BB手上的求婚戒指雖然只有一卡，但她笑指自己手指小，太大粒就不靚。

星級兄弟姊妹團的「大小姐」林淑敏、林奕匡老婆李靄璣、盧頌恩、黃芳雯及虞逸峯等，亦一字排開合照。