舊愛夜店黐實湯洛雯 姚子羚買Deep V戰衣去party

 難道想係聖誕party識朋友？

剪咗個清爽短髮拍新劇嘅子羚，當日抽空去買戰衣物色新仔，唔想再過lonely Christmas。

38歲嘅索女姚子羚，與有米「的士邦」(鄭子邦)拍拖三年屢傳婚期。今年3月，女方喺社交網誌宣佈分手，婚訊變分訊！日前，舊愛被指在夜店黐實大台小花湯洛雯，二人貼實耳語，似足情侶。前度感情似有着落，寄情事業嘅子羚亦唔敢怠慢，日前見佢現身銅鑼灣一間時裝店買咗批Deep V連身短裙和及膝長靴等嘅派對戰衣，似乎想喺聖誕P上識到新朋友呢！

子羚和鄭子邦蜜運期間，曾穿情侶裝去睇城城演唱會。

姚子羚近來事業愈戰愈勇，繼去年在《同盟》中和陳山聰呢對熒幕情侶好受歡迎。今年，子羚亦憑《天命》中皇后一角提名視后。同「的士邦」甩拖大半年，子羚未有新歡現身，而前度日前就有緋聞登場。有指湯洛雯(靚湯)喺一個生日party上與「的士邦」表現親密，二人身體緊貼，男方更摸女方大髀。緋聞一出，靚湯馬上否認，強調自己是「非常單身」和「宇宙無敵單身」。而子羚亦維護舊愛，表示與兩人都係好朋友，相信無呢回事。

成枱戰利品，仲有子羚好鍾意嘅「假腳」長boots，最啱穿短裙晒大髀仔。

子羚買咗袋小食醫肚，助手孭住兩大袋戰利品齊齊走。

近日趕拍新劇《黃金有罪》嘅子羚，日前晚上7時左右唔使開工，約女助手去銅鑼灣百德新街附近shopping。穿上深色衫褲嘅淡妝子羚顯得好瘦，見佢在相熟時裝店內游走，自己揀完一批，又聽店員推介新貨，大手揀咗一堆貼身衫、低胸裙、紅色冷衫和及膝長靴等，拼上身照吓鏡，身材咁fit，唔使試上身啦！揀啱晒嘞！就同店員慢慢吹水，一邊埋單。同時，子羚發現有記者，笑晒口禮貌揮手，好nice。逗留約一小時，子羚滿足離開，其女助手就幫手孭住兩大袋戰利品去搭的士。

皮膚白淨、身材好fit嘅子羚，不乏追求者。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。