拍外景被捕獲 緋聞小花湯洛雯見鏡頭即嚇到

靚湯輕鬆啲啦～

湯洛雯（靚湯）和羅天宇一直否認拍拖，但今年三月卻公告天下手已分，更自爆二人拍拖四年。單身八個月的靚湯，上月被網民爆料，指與姚子羚舊愛「的士邦」在酒吧纏綿，又被男方摸大髀，但靚湯否認，還對緋聞表示好唔開心同好唔鍾意，並表示：「啲相完全係角度問題，因為地方細，所以大家企得埋，好似貼住咁，其實係冇貼。」

湯洛雯同舊愛羅天宇，對於緋聞，後者叫前者下次小心啲，哈。

姚子羚同舊愛鄭子邦(的士邦)，對於緋聞，前者話後者同靚湯係好朋友。

現年31歲的湯洛雯於2012年參加過港姐，得到「旅遊大使獎」及「美麗昇華大使獎」，現貴為TVB新紮小花，做《愛．回家》及綜藝節目都好受巴打歡迎，有樣有學歷有身材，難怪有六呎猛男忍不住在港鐵車廂親吻靚湯張廣告海報。

當年靚湯參選港姐

靚湯真係靚。

就係呢張海報，引死六呎男。

日前晚上七時，靚湯與張振朗和何依婷在荃灣百老匯戲院對出拍攝《機場特警》外景，當日內容是兩女邊吃外賣小食邊行邊傾，然後發現男方在後面而驚一驚，難度係數是零，好快拍完，不過，當靚湯發現不遠處有鏡頭對住自己，即被嚇到碌大對眼再抿嘴，然後緊緊望實記者十幾秒，空氣瀰漫不安味。

劇情關係，靚湯要擰轉面發現張振朗，Easy啦。

靚湯嘅表情好怪，有啲驚又有啲不安咁。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。