Jay要一邊唱聖誕歌一邊自轉 ，十分搞笑！
新加盟寰亞娛樂的馮允謙（Jay），首次與寰亞傳媒集團執行董事陳志光，及師兄師姐梁釗峰、吳崇銘（King）、蘇麗珊和黃淑蔓等開Party慶祝。所謂「新嚟新豬肉」，Jay不但被師兄師姐佈置成聖誕樹，更要一邊唱聖誕歌一邊自轉 ，十分搞笑。
Jay被師兄師姐佈置成聖誕樹。
Jay表示，加盟新公司是今年最難忘又最開心的事，希望與同公司的歌手Crossover擦出火花，「我好想同King玩音樂，又想同釗峰開『雙Fung』演唱會，我哋都鍾意即興Jam歌。」
Jay表示，加盟新公司是今年最難忘又最開心的事，希望與同公司的歌手Crossover擦出火花。
蘇麗珊則自動請纓：「你哋開演唱會可以請我做表演嘉賓或者做MV女主角，上次同釗峰拍MV好開心。」她似乎演上癮，今年除了拍MV，蘇麗珊亦有幾部電影上映。她希望明年可挑戰更多新角色，最希望演民初電影。
Jay被師兄師姐佈置成聖誕樹，更要一邊唱聖誕歌一邊自轉 ，十分搞笑。
Jay被師兄師姐佈置成聖誕樹，更要一邊唱聖誕歌一邊自轉 ，十分搞笑。
「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。
Jay新歌《JAY FUNG儀態訓練學院》MV上架。
觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx
拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。
MV在一間高級餐廳拍攝，Jay坐在其中一張餐枱前。
一班瘋狂食客突然衝出，爭相搶食物，椅子都被撞跌。
最後Jay見到一位小男孩沒有跟著去搶食物。
便上前拖著小男孩離開。
拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。
Jay指同小朋友做對手戲最緊要係要同佢做朋友！
Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」
Jay對自己的名子出現在新歌名都感到好奇。
Jay式字幕
新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」
新歌以Jay的好脾氣做題材，但他自言都有發脾氣的時候。
