娛圈事
暖男！
聖誕將至，許廷鏗（Alfred）為給粉絲一份特別聖誕禮物，再親手炮製特別版《停半分鐘聽一闋歌Busker版》，他於社交平台上載逐一手寫每一個限定編號的片段。
許廷鏗對這自家製成品想起也覺瘋狂。
Alfred留言：「呢份聖誕禮物，都算籌備得耐喇～～由策劃開始，到搵到錄音室錄音，找音樂人參與編曲，為Buskers的首次錄音做監製，親身畫單曲封面，再一隻一隻燒碟，手寫每一個限定編號。每一隻都係小弟心血結晶，完全自家製作。黎（嚟）緊我會再突襲CD舖，將呢隻，真。Hidden Bonus track，隱藏喺某啲新碟入面！！暫時得呢隻實體碟入面，先可以聽到呢個 #停半分鐘聽一闋歌Busker版 希望你地搵到呢份心意！#記住要聽啊 #全新錄㗎 #我咁大個仔第一次做監製咋 #我都獻出我第一次 #仲做埋工廠仔 #自家製作 #見到製成品真心想喊出黎 #感動仔 #諗返都覺得自己好痴線 #好啦 #聽到記住post返話我知覺得點」。
網上圖片
網上圖片
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
