阿蕭話翠如從未試過咁溫柔！
蕭正楠於《2018萬千星輝頒獎典禮》宣布已娶黃翠如後，今日（17日）如常開工，先後與張達倫、姚子羚及陳瀅於中環拍攝新劇《黃金有罪》。
開心過後，阿蕭今日如常開工。
阿蕭謂公開婚訊後收到很多祝福，身邊很多親友都不知道此事，最終選擇了這個方法公佈，希望大家可以見諒。問到不得獎便不公佈？他說：「再諗，都打算今年內，平安夜或者除夕，今年太多喜事，撞晒車。」問到老友曹永廉知否他們已結婚？他笑說：「我阿媽知嘅佢都知，同我爸爸身份一樣。」
資料圖片
資料圖片
阿蕭又指回到台下收到很多女藝人的祝福，紛紛表示十分感動，並笑說：「原來我咁受歡迎，（胡）定欣仲攬住我喊，咁當然希望攬住我嘅係我太太。不過宣布完，佢嘩一聲，就飛車走咗。」問到回家後翠如有甚麼表示？他笑說：「嘩！幾溫柔，從來未試過咁溫柔！我㗎車到門口，已經見佢企咗喺度，個眼神幾咁迷人，不過今朝瞓醒又變返平時咁囉！」
阿蕭雖然話今朝瞓醒翠如又變回平時一樣，但他仍一臉甜絲絲。
